Ego frater Petrus Lamandi, thesaurarius generalis ordinis S. Johannis Ihrimi, confiteor habuisse et recepisse a domino bailivo Daciæ, fratre Benedicto, pecunias, in quibus obligabatur communi thesauro conventus Rhodi, ratione responsionum dicti Baillivatus annorum duorum finiendorum in festo beati Martini anno millesimo quadringentesimo tricesimo octavo, florenos Renenses boni auri et justi ponderis ducentos octuaginta videlicet f. iic, lxxx, quos ipse de mea commissione solvit et in manibus nobilis viri Gerardi Bucci, mercatoris in Lubech, qui de ipsis faciet secundum quod sibi commissum per meas literas. De quibus prædictis florenis iic. lxxx. eundem baillivum et alios quoscunque, ad quos pertinere dignoscetur, quitto et pro quittato et absoluto haberi volo: Teste presenti cedulla manu mea propria scripta et signeto meo manuali ac sigillo corroborata; in hac civitate de Brunsvvich, die vicesima mensis februarii, anno domini millesimo, quadringentesimo tricesimo octavo.