Beatissime pater alias s. v. devoto oratori vestro Jacobo Olavi canonico Asloensi de decanatu ecclesie Roskildensis qui dignitas ibidem major est et ad quem tunc certo modo vacantem ipse Jacobus per capitulum electus fuerit de novo concessit provideri ipseque Jacobus a Romana curia absens et ignorans forsan constitucionem per eandem s. vestram super expediendis literis infra semestre de beneficiis reservatis editam literas infra sex menses a quorum fine nondum sexdecim dies effluxerunt non fecit expediri ac eciam magna distancia de partibus regni Dacie ad eandem curiam existit, dignetur igitur e. s. nichilominus literas ipsas mandare expediri non obstante lapsu temporis ac aliis in peticione per e. s. desuper signata contentis ceterisque contrariis quibuscumque.

Concessum in presencia domini nostri pape. C. Ariminensis.

Datum Ferarie non. aprilis anno octavo.