Alias s. v. Simoni Techel clerico Roskildensis diocesis de decanatu et prebenda Haufnensibus ejusdem diocesis per obitum cujusdam Simonis Prep vacantibus concessit gratiose provideri, prout in petitione desuper signata plenius continetur, expresso in petitione hujusmodi fructus eorundem decanatus et prebende valorem annuum 7 mr. non excedere.

Qui tamen fructus, ut creditur, dictum valorem excedunt; et, ne apostolice super dicta petitione conficiende littere de surreptione notentur, supplicat dictus Simon Bechel (!), quatenus illas absque expressione 7 mr. hujusmodi et cum expressione, quod iidem fructus 10 mr. non excedunt, expediri mandare dignemini.

Concessum in presentia pape. C. Ariminensis.

Datum Florentie 6. id. aug. anno 9.