Wir Albrecht, von Gots gnaden Romischer kunig, zu allen zeiten merer des reichs, vnd zu Hungern, zu Behem, Dalmacien, Croacien etcetera kunig vnd herczog zu Osterreich, embieten dem hochgebornen Adolffen, herczogen zu Slesewick, vnserm lieben oheim vnd fursten, vnser gnad vnd alles gut.

Hochgeborner lieber oheim vnd furste.

Soliche erbietung vnd tr{uo}e, so vns dine liebe durch den erwirdigen Johan, bischof zu Lubecke, vnsern rat vnd lieben andechtigen, hat emboten vnd erczellen lassen, haben wir von im gutlich vfgenomen vnd auch wol verstanden, daruff wir diner liebe widerumb zumal fleissiclich dancken, vnd wollen auch eins solichen in gute nymer vergessen, sunder gnediclich erkennen.

Vnd zu einem zeichen vnsers g{uo}tigen willens, den wir zu dir tragen, so schicken wir dir by dem obgenanten bischoffe vnser geselschaft mit namen den Lintworm [.....]

[.....]

Geben im felde an der Teysz, versigelt mit vnserm kuniglichen vfgedrucktem insigel nach Cristi geburt viertzehenhundert jar vnd darnach im newnundreissigisten jare, an sant Bartholomes tag des heiligen zwelfboten, vnser reiche im andern jar.

Ad mandatum domini Regis Hermannus Hecht.