Licet nuper s. v. Symoni Teghel clerico Roskildensis diocesis tempus de expediendis litteris de decanatu et prebenda ecclesie Haufnensis dicte diocesis, de quibus e. s. alias sibi gratiose concessit provideri, ad duos menses successive prorogaverit .., tamen finis eorundem mensium satis in brevi instare videtur. Quare supplicat prefatus Symon, quatenus huiusmodi menses aut finem illorum, qui nondum est elapsus, ad duos alios menses a fine dictorum mensium computando prorogare dignemini. Concessum ad mensem in presentia pape. C. Ariminensis. Datum Florentie 4. kal. martii anno 9.