Martino Silchow clerico Zweinensi. Vite ac morum honestas [etc.]. Cum itaque canonicatus et prebenda ecclesie Slesvicensis, quos Nicolaus Sachow electus Lubicensis tempore promotionis per nos facte de persona sua ad ecclesiam Lubicensem obtinebat, porut obtinet, per huiusmodi promotionem et munus consecrationis impendendum eidem electo vacare sperentur, nos, volentes tibi, qui Juliani tituli s. Sabine presbiteri cardinalis familiaris continuus commensalis existis, gratiam facere specialem, canonicatum et prebendam predictos [fructus 4 mr.] donationi apostolice reservamus, non obstantibus quod nos dudum tibi de benficio cum cura vel sine cura ad abbatis et conventus in Dubberan necnon abbatisse et conventus in Ribbennis Cisterciensis et s. Clare ordinum Zweinensis diocesis monasteriorum collationem, provisionem, presentationem seu quamvis aliam dispositionem pertinente, vacante tunc vel vacaturo, per alias nostras litteras mandavimus provideri primo et deinde de perpetua vicaria in ecclesia Bardewicensi Verdensis diocesis [fructus 7 mr.] concessimus provideri gratiose. Datum Florentie 4. id. martii anno 10.

Simili modo episcopo Tiburtino et Lubicensis et Verdensis ecclesiarum prepositis.