Alias lite et causa in vestro sacro palatio causarum apostolico coram Geminiano de Prato eiusdem palatii causarum auditore inter Symonem Techelclericum Roskildensis diocesis actorem et quendam Bernardum Droghe ac Johannem Nienkerke reum et possessorem assertos clericos de parrochiali ecclesia s. Jacobi Gripeswaldensi Caminensis diocesis, quam s. v. per privationem de ipso Johanne fiendam prefato Symoni mandavit conferri, in prima, in qua idem Geminianus pro dicto Johanne et contra prefatum Symonem diffinitivam tulit sententiam, et nunc coram Petro Martini de Caveisrubeis auditore in secunda vertitur [ɔ: -tente] instantiis, coram quo in causa huiusmodi ad singulos actus judiciales usque ad conclusionem inclusive processo, asseritur a quibusdam neutri partium predictarum in dicta ecclesia jus competere, supplicat igitur prefatus Symon, quatenus prefato Petro mandare dignemini, ut, si sibi constiterit neutri dictarum partium in dicta ecclesia jus competere, eam ... prefato Symoni conferat seu provideat de eadem. Concessum in presentia pape. C. Ariminensis. Datum Florentie 17. kal. oct. anno 10.