Licet alias s. v. Martino Silchow clerico Zwerinensis diocesis de certis canonicatu et prebenda ecclesie Slesvicensis per promotionem cuiusdam Ni[colai] Zachow electi Lubicensis vacantibus concessit provideri, tamen tempus de expediendis desuper litteris satis in brevi instabit. Quare supplicat dictus Martinus, quatenus huiusmodi tempus, quod nundum (!) est effluxum, a fine eiusdem computando ad tres alios menses inantea computandos prorogare dignemini. Concessum ad mensem in presentia pape. C. Ariminensis. Datum Florentie 8. id. martii anno 10.