Vacante alia perpetua vicaria sine cura ad altare s. Crucis in collegiata ecclesia b. Marie Hamburgensi Bremensis diocesis situm per liberam resignationem ex causa permutationis in cancellaria exprimende in manibus ordinarii facte nuper factam, Johannes Stenueld presbiter et rector parrochialis ecclesie in Berdinghen (!) Slesvicensis diocesis eandem vicariam ex collatione ordinaria extitit assecutus et eam possidet de presenti. Verum dubitat collationem et assecutionem huiusmodi viribus non subsistere, ideoque supplicat, quatinus sibi de dicta perpetua vicaria [fructus 3 mr.] .... dignemini de novo providere, non obstantibus defectu natalium, quem patitur de presbitero genitus et soluta, et dispensatione per ipsum desuper obtenta in cancellaria [s. v.] latius declaranda dictaque parrochiali ecclesia in Gerdinghen, quam etiam obtinet [fructus similiter 3 mr.]. Concessum in presentia pape. C. Ariminensis. Datum Senis pridie non. julii anno 13.