Dudum bone memorie Sweno episcopus Burdegalensis (!) zelo devotionis, quem ad religionem s. Johannis Jerosolimitani semper gessit, accensus fundandi loci Duholm in Morsee dicte diocesis in hunc finem, ut ibidem fratres dicte religionis domum eiusdem rehgionis sub vocabulo s. Johannis baptiste et s. Marie Magdalene, in qua divina officia debite altissimo persolverentur, edificarent, licentiam concessit, et eidem domui parrochialem ecclesiam s. Clementis in Nykobingh in insula Moorse prefate diocesis unacum certis bonis, videlicet molendino et domibus leprosorum elemosinisque et subventione, vulgariter huspening, cum an[n]ona, spedelskoorn nuncupata, necnon bonis s. Georgii in Morsee insula dicte diocesis situatis ubicumque, quorum loca, designationes et confines presentibus pro expressis [habere dignemini], pro sustentatione fratrum auctoritate ordinaria univit, et deinde preceptor et fratres prefati vigorc [unionis] eiusdem possessionem corporalem omnium bonorum etc. prefatorum fuerunt pacifice assecuti illaque pluribus annis possederunt, prout etiam possident. Ne igitur ratione unionis et aliorum premissorum imposterum per quempiam molestentur, supplicant preceptor et fratres prefate domus in Duholm, quatenus omnia premissa ex certa scientia confirmare et, in quantum opus sit, ecclesiam s. Clementis, bona etc. omnia predicta domui Duholm prefate de novo unire, et nichilominus preceptori et fratribus, qui sunt et erunt pro tempore in dictis domibus ac ecclesiis unitis, ut omnibus privilegiis, quibus ordo et religio s. Johannis Jerosolimitani gaudent, similiter gaudere possint, concedere dignemini. Concessum in forma in presentia pape. Jo. Abbas.

Item, cum infra hinites parrochialis ecclesie s. Clementis in Nykobingh in Moorse Burdegalensis (!) diocesis noviter incepta sit capella nondum completa sub vocabulo s. Spiritus, preceptor[que] et fratres domus religionis s. Johannis Jerosolimitani in Droholm (!) dicte diocesis cupiant dictam capellam, ita tamen, quod ipsa de cetero a dicta domo dependeat, erigere illamque edificare et dotare, licentia s. v. et sedis apostolice ad id accedente, supplicant igitur preceptor et fratres prefate domus, quatenus, attento quod dicta parrochialis ecclesia s. Clementis dicte domui Droholm (!) actu auctoritate ordinaria unita existit, eis dictam capellam edificandi et dotandi, ita tamen, quod ipsa a dicta domo de cetero dependeat, licentiam concedere, et nichilominus velle ordinare, quod nullus prelatorum, rectorum vel presbiterorum ratione ecclesie s. Clementis et capelle prefatarum computationes de quibuscunque bonis, decimis et legatis ipsis (!) spectantibus, etiam oblationibus pro tempore provenientibus, a preceptore et fratribus predicte domus vel prefatarum ecclesie et capelle tutoribus vel procuratoribus exigere absque eorundem prioris (!) et fratrum speciali licentia possint, debeant seu audeant, dignemini. Concessum de licentia sine prejudicio in presentia pape. Jo. Abbas. Datum Rome 3. non. aprilis anno 15.