Ripensi et Ottoniensi episcopis ac preposito ecclesie Lubicensis. Romani pontificis providentia [etc.; jfr. I, Nr. 666]. Dudum siquidem pro parte Erici regis tunc Dacie inter alia nobis exposito, quod in Norrocloster, alias Glenstorp, monachorum et b. Marie in Randrusia monialium ordinis s. Benedicti Arusiensis diocesis monasteriis a pluribus illorum personis monastice discipline norma religionisque decentia penitus seposite essent, divinus omnino lentesceret cultus et pro eo, quod ex ipsis personis alique vitam duxerant enormiter dissolutam ac graves excessus committere nullatenus trepidarant, in partibus illis scandala plurima suborta fuerant(!), ipsaque monasteria desolationis et deformationis opprobrio subjacerent, illorumque res et bona multipliciter distracta et ahenata existerent, ac edificia tenderent non mediocriter in collapsum, quodque, nisi in Norrecloster, in quo ultra tres ex illius monachis etiam alibi moram trahentes, et in b. Marie, in quo monialis aliqua non supererant, alterius religionis plantaria subrogarentur, ac ipsa monasteria reformationis inantea presidio fulcirentur, dispositionis cuiusvis adminiculum non subsisteret, ac pro parte dicti regis, asserentis, quod ad ordinem Cartusiensem illiusque personas singularem gerebat devotionis affectum, et quod, si prefatus ordo Cartusiensis in eisdem monasteriis institueretur, ipse rex ad recuperationem bonorum ac restaurationem edificiorum huiusmodi manus liberaliter subsidiarias porrigere proponebat, nobis supplicato, ut super hiis providere dignaremur, nos Ripensi et Ottoniensi ac Vibergensi episcopis, eorum propriis nominibus non expressis, aliis nostris litteris inter cetera dedimus in mandatis, ut ipsi .. super premissis omnibus auctoritate nostra se diligenter informarent et, si per informationem huiusmodi ita esse repperirent, ordinem s. Benedicti ac illius inibi dignitates penitus supprimerent necnon tres prefatos monachos ad alia, in quibus voluntarios receptores invenirent, eiusdem sancti vel alterius regularis ordinis monasteria sive loca transferrent et b. Marie, cuius ecclesia parrochialis est, et in Norrocloster monasteria huiusmodi cum omnibus preter ipsam ecclesiam suis juribus et pertinentiis ordini Cartusiensi et eius pro illorum habitatione et usu personis prefatis perpetuo applicarent, necnon in dicto monasterio Norrocloster prefatum Cartusiensem ordinem instituerent et exequerentur omnia, que in premissis necessaria forent. Postmodum vero, sicut exhibita nobis nuper pro parte Anne abbatisse et sororum ac Nicolai Jacobi generalis confessoris et fratrum monasterii Mariebo de Lalandia ordinis s. Augustini s. Salvatoris nuncupati Ottoniensis diocesis petitio continebat, bone memorie Nalfno episcopus Ottoniensis, ad ipsarum litterarum executionem legitime procedens, quia exposita huiusmodi repperit fore vera, illarum vigore ordinem s. Benedicti in dictis monasteriis suppressit ac in Norrocloster et b. Marie monasteria predicta cum omnibus preter ipsam ecclesiam juribus et pertinentiis supradictis ordini Cartusiensi [et eius] pro illorum habitatione et usu personis prefatis perpetuo applicavit necnon in ipso monasterio Norrecloster predictum ordinem Cartusiensem instituit, et deinde nonnulle eiusdem ordinis Cartusiensis persone, in Norrecloster et b. Marie monasteria predicta [eiusdem] applicationis obtentu assecute, illa extunc, ad id regis prefati ac prelatorum et aliarum quam plurium illarum partium personarum accedente assensu, per aliqua tempora possederunt, dictusque rex eisdem personis ordinis Cartusiensis nort modicas pro reparatione ipsius monasterii in Norrecloster subventiones fecit, et pro ampliori eiusdem monasterii in Norrecloster dote possessiones, Tiereby et Tierebyfang nuncu])alas, tunc expressas, donavit, ac subsequenter, cum persone ordinis Cartusiensis predicte, videntes se tunc propter insolitam eis huiusmodi partium inhabitationem et illarum ideomatis difficultatem ac pro eo, quod ipsa in Norrecloster et b. Marie monasteria pro domibus ordinis Cartusiensis minus idonea existebant, in illis degere commode non posse, in Norrecloster et b. Marie monasteria eorumque bona et possessiones huiusmodi reliquissent, et nonnulli, qui se gerunt pro monachis dicti ordinis s. Benedicti, in prefato monasterio Norrecloster, nullo sibi ad id justo ac canonico suffragante titulo, se intrusissent, iUudque extunc per plures annos detinuissent, prout detinent, nidebite occupatum, prefate ordinis Cartusiensis persone dicta in Norrecloster et b. Marie monasteria cum possessionibus sibi a rege donatis predictis resignarunt ac personis eiusdem monasterii Mariebo pro fundatione unius monasterii dicti ordinis s. Augustini s. Salvatoris nuncupati assignarunt et in eas transtulerunt, necnon Anna abbatissa et sorores ac Nicolaus et fratres predicti easdem assignationem et translationem acceptarunt, illasque necnon predictam resignationem per Cristoforum regem Dacie confirmari obtinuerunt ... Quare pro parte eorundem Anne abbatisse et sororum ac Nicolai confessoris et fratrum nobis fuit supplicatum, ut super liiis oportune providere dignaremur. Nos igitur, qui dudum inter aha ordinavimus, quod, quicunque impetraverit beneficium ab ahquo per annum pacifice possessum, in sua impetratione possessorem et illius gradum, nobilitatem et, quot annis possederit, causamque specificam et determinatam, ex qua clare constet possessori nullum jus competere, exprimere teneatur, de premissis certam notitiam non habentes, huiusmodi ac quam plurium eiusdem regis Dacie procerum nobis etiam super hoc supplicantium supplicationibus inclinati, discretioni vestre mandamus, quatenus vos, si et postquam, vocatis dictis se pro monachis ordinis s. Benedicti gerentibus ac aliis, qui fuerint evocandi, vobis de premissis legitime constiterit, [in] Norrecloster et b. Marie monasteria ac omnia alia bona predicta cum omnibus possessionibus donatis ac aliis juribus suis, ordine Cartusiensi huiusmodi in eis per vos primitus suppresso penitus, prefato monasterio Mariebo illiusque personis pro uno monasterio eiusdem ordinis .. pro illius personarum usu et habitatione perpetuis juxta ipsius Mariebo ac Watzsten eiusdem ordinis .. Lincopensis diocesis monasteriorum observantias regulares et privilegia ac instituta s. Brigitte sub vocabulo Marieager fundando et gubernando imperpetuum applicare auctoritate nostra curetis. Nos enim, si applicationem, assignationem et institutionem predictas vigore presentium fieri contigerit, personis .. in huiusmodi de novo fundando monasterio pro tempore degentibus, ut omnibus privilegiis prefato Mariebo ac quibusvis aliis monasteriis sive locis dicti ordinis .. concessis et imposterum forsan concedendis gaudere libere possint, tenore presentium indulgemus. Datum Rome pridie non. jan. anno 15.