.. Ottoni Berlin decano ecclesie s. Andree Verdensis apostolica sedis nuntio, in Bremensi et Rigensi provinciis necnon in earundem ac in Caminensi, Verdensi, Hildesemensi, Slesvicensi civitatibus et diocesibus fructuum aliorumque jurium apostolice camere debitorum collectori. Ex fideli et solicita [ut no. 777]. Hinc est, quod nos te, de cuius discretione ac solicitudine plurimum confidimus, in Bremensi et Rigensi provinciis necnon in singulis dictarum provinciarum ac in Caminensi, Verdensi, Hildesemensi et Sl[e]svicensi civitatibus et diocesibus, exemptis et non exemptis, nuntium apostolicum et generalem collectorem et receptorem fructuum aliorumque jurium et censuum in predictis provinciis, civitatibus et diocesibus nobis, camere apostolice et sedi prefate debitorum et debendorum usque ad nostrum et dicte sedis beneplacitum tenore presentium deputamus omnes alios huiusmodi collectores, receptores et succollectores in prefatis provinciis, civitatibus et diocesibus quavis auctoritate deputatos hactenus et omnes commissiones super huiusmodi collectorie, receptorie et succollectorie officiis aliis quam tibi sub quavis verborum forma per quoscunque et quavis auctoritate factas penitus revocando ac tibi per te vel alium seu alios, clericos dumtaxat fide et facultate idoneos, nostro, ecclesie Romane et dicte camere nomine a quibuscunque prelatis, capitulis, collegiis et conventibus ecclesiarum et monasteriorum quorumlibet aliisque ecclesiasticis, secularibus et regularibus, exemptis et non exemptis, ordinum quorumcunque ac etiam laicalibus personis necnon universitatibus et communitatibus civitatum, terrarum, castrorum, villarum et locorum quorumlibet omnes pecuniarum summas ac rerum et bonorum quantitates nobis, ecclesie et apostolice camere prefatis debitas et debendas, etiam si bona huiusmodi confiscata fuerint, necnon fructus primi anni beneficiorum ecclesiasticorum quorumcunque auctoritate apostolica collatorum et in antea conferendorum, fructus, etiam census annuos, decimas et omnia alia jura nobis, ecclesie et camere predictis in civitatibus, diocesibus et provinciis prelibatis quacunque ratione vel causa debita vel debenda ad easdem ecclesiam et cameram nunc vel imposterum pertinentia, quecunque, quotcunque et qualiacunque fuerint, communibus et minutis servitiis prelatorum dumtaxat exceptis exigendi et recipiendi, rationesque et computa a quibuscunque collectoribus et succollectoribus apostolicis ac inquisitoribus heretice pravitatis et predicatoribus verbi crucis ac officialibus aliis pro dicta camera in provinciis, civitatibus et diocesibus predictis deputatis hactenus et personis aliis quibuslibet, inquantum negotia et utilitatem camere memorate concernunt audiendi, accipiendi et examinandi, ipsosque ad id, si necesse fuerit, auctoritate nostra compellendi ac per ipsos recepta similiter petendi et recipiendi ac de receptis solventes ipsos quitandi et absol- vendi necnon contradictores quoslibet et rebelles, cuiuscunque status, gradus, ordinis, conditionis vel preheminentie fuerint, auctoritate predicta per censuram ecclesiasticam et bonorum suorum sequestrationem et arrestationem personarum aliaque juris remedia opportuna appellatione postposita compescendi necnon contra quoscunque tibi vel tuis officialibus injuriantes seu te vel dictos tuos officiales impedientes in executione negotiorum dicte camere, directe vel indirecte, publice vel occulte, auctoritate procedendi predicta, prout ordo exegerit rationis et, si necesse fuerit, ipsos ad comparendum coram nobis seu camerario nostro aut eius locumtenente personaliter vel legitime infra certum terminum competentem per te eis assignandum citandi et etiam, si opus fuerit, auxilium brachii secularis invocandi, sententias quoque excommunicationis, suspensionis et interdicti in contumaces, inobedientes et rebelles tam per precessores quam predecessores tuos inibi collectores vel eorum substitutos quam per te vel a te substituendos latas et ferendas, si opus fuerit, aggravandi et reaggravandi ac, cum ad obedientiam debitam venerint, tollendi et suspendendi ipsosque ab ipsis absolvendi ac super irregularitate, si quam sic ligati, non tamen in contemptum clavium, celebrando divina vel immiscendo se illis quomodolibet contraxerint, cum eisdem auctoritate nostra predicta dispensandi non obstantibus tam Bonifacii pape VIII ac de una et duabus dietis in concilio generali editis1) quam aliis constitutionibus apostolicis contrariis quibuscunque ritate prefata plenam harum serie concedimus facultatem, ita tamen quod in fructibus seu bonis aliis quibuscunque [etc. ut no. 777]. Datum Rome id. martii anno 1.

De curia.