Reformatio.

Cum ab aliquibus asseritur(!) per signaturam, que est Fiat ut petitur, habitam super supplicatione, cuius copia superponitur, non venire derogationem statutorum, consuetudinum et indultorum in ipsa supplicatione petitam, ac etiam in ipsa supplicatione non fuerit expressum, quod canonicatus et prebenda ac prepositura Roskildensis ecclesie per electionem de persona Olaui Daa episcopi Roskildensis ad ecclesiam Roskildensem per ipsius ecclesie capitulum et alios, ad quos huiusmodi electio pertinet, factam et auctoritate ordinaria confirmationem necnon muneris consecrationem extra Romanam curiam auctoritate ordinaria subsecutas vace[n]t, supplicat prefatus Olauus Johannis, quatenus litteras apostolicas super dicta supplicatione conficiendas cum expressione derogationis statutorum etc. et expressione vacationis antedicte ac cum clausula: »etiam si dicta prepositura curata et electiva ac dicta cantoria ecclesie b. Marie Haffnensis Roskildensis diocesis dignitas principalis existit« et cum clausula: »etiam si ipsa cantoria dignitas curata et electiva sit«, expediri mandare dignemini. Fiat. T. Datum Rome 3. kal. jan. anno 2.