.. Exponitur s. v. pro parte .. Conradi Conradi in decretis licentiati ecclesie Slesvicensis archidiaconi, quod, cum fructus archidiaconatus eiusdem ecclesie, qui dignitas curata inibi existat, [fructus 1½ mr. arg. secundum taxationem decime] tam exiles sint, quod illius archidiaconatus archidiaconus pro tempore existens ex illis juxta sui status condecentiam ac dignitatis preeminentiam commode sustentari nec onera sibi ratione ipsius incumbentia et ingruentia supportare non potest et, si prepositura in Wida, que non est dignitas, sed officium in eadem ecclesia Slesvicensi [fructus 1½ mr. arg. puri prefate extimationis], eidem archidiaconatui perpetuo uniretur, ex hoc archidiacono pro tempore existenti circa premissa onera supportanda non modi- cum, immo magnum, succederet relevamen. Quare pro parte dicti Conradi archidiaconi e. s. v. humiliter supplicatur, quatinus sibi prefatam preposituram in ecclesia Slesvicensi ... vacantem seu vacaturam eidem archidiaconatui ... in perpetuum unire, ipseque Conradus archidiaconus illius possessionem corporalem, realem et actualem, cum vacaverit, cuiusvis super hoc licentia minime requisita libere apprehendere illiusque fructus etc. in suos ac dicti archidiaconatus usus ad nutum et voluntatem suam perpetuo convertere valeat, concedere dignemini ... Fiat. T. Datum Rome 3. kal. jan. anno 2.