Episcopo Slesvicensi.

Dignum arbitramur etc. Cum itaque prepositura ecclesie Roskildensis, que inibi dignitas maior post pontificalem existit, et canonicatus et prebenda dicte ecclesie, quos Olauus Daa episcopus Roskildensis tempore electionis per capitulum dicte ecclesie de persona sua in episcopum Roskildensem facte et illius auctoritate ordinaria subsecute confirmationis obtinebat, per huiusmodi electionem et confirmationem ac munus consecrationis eidem Olauo episcopo extra Romanam curiam dicta auctoritate impensum vace[n]t, nullusque de dicta prepositura pro eo, quod nos omnes dignitates post pontificales maiores dispositioni nostre reservavimus, preter nos disponere possit, nos, volentes Olauum Johannis cantorem ecclesie b. Marie Haffnensis Roskildensis diocesis, qui Cristianni Dacorum, Gottorum Slauorumque regis cancellarius existit, favore prosequi gratioso, fraternitati tue mandamus, quatenus, si per dihgentem examinationem eundem Olauum Johannis ad hoc idoneum esse reppereris, preposituram ac canonicatum et prebendam predictos [omnium fructus 15 mr.] prefato Olauo Johannis auctoritate nostra conferas, non obstante .... quod idem Olauus Johannis [in] Haffnensi cantoriam, que inibi dignitas principalis est, ac canonicatum et prebendam [fructus 15 mr.] necnon quandam perpetuam sine cura capellaniam ad altare s. Dorothee in Roskildensi ecclesiis prefatis [fructus 3 mr.] noscitur obtinere. Vohimus autem, quod idem Olauus Johannis, quainprimum dictam preposituram vigore presentium fuerit pacifice assecutus, cantoriam et capellaniam predictas, quas extunc vacare decernimus, omnino dimittere teneatur. Datum Rome 3. id. jan. anno 2.