[1449] Indictione 12. die 10. mensis febr. Laurentius Petri canonicus Roskildensis magister in artibus tamquam principalis et privata persona pro Olauo electo Roskildensi obtulit camere apostolice et sacro collegio cardinalium pro suo communi servitio fl. auri de camera 1000, ad quos dicta ecclesia reperitur taxata, et quinque minuta [servitia] consueta, eorundem autem communis servitii et minutorum medietatem infra sex menses proxime venturos et aliam medietatem infra alios sex menses inde proxime secuturos solvere promisit, obligavit se [etc.]. Card. XIII. Et Nicolaus episcopus Placentinus locumtenens etc. tulit sententias in scriptis. Datum Rome in camera apostolica. Et promisit curare, quod dictus electus principalis suus infra dictos sex menses ratificabit in forma.