Ad futuram rei memoriam. Circa ecclesiarum omnium nobis divinitus commissarum statum salubriter dirigendum libenter opem et operas adhibemus, et ut potiores contingant successus, quo magis utilium fuerint personarum suffulte presidio, nostros, ut tenemur, effundimus cogitatus. Horum igitur consideratione inducti motu proprio .. canonicatum et prebendam ac dignitalem etiam curatam et electivam, non tamen maiorem post pontificalem, ecclesie Roskildensis, quos exnunc inantea simul vel successive per cessum vel decessum aut aliam quamvis dimissionem preterquam ex causa permutationis illos obtinentis seu obtinentium aut alias quovis modo in aliquo ex mensibus apostolicis expectantes contingentibus primovacare contigerit, etiam si alias specialiter vel ex quavis causa preterquam per resignationem in nostris vel alterius de nostro mandato.. pro tempore factam manibus generaliter dispositioni apostolice reservati fuerint, collationi nostre ac sedis apostolice auctoritate apostolica et ex certa scientia exnunc specialiter reservamus Datum Rome 10. kal. maji anno 3.