Supplicat Johannes Yuari, archidiaconus ecclesie Arusiensis, in artibus magister et ex utroque parente de nobili militari genere procreatus ac Crist[i]erni Dacie Gothorum etc. regis nuntius et orator, quatenus secum, ut quodcunque aliud beneticium curatum seu alias cum dicto archidiaconatu incompatibile ... seu alias duo quecunque curata invicem incompatibilia beneticia, si sibi alias canonice conferantur, recipere et insimul, quoad vixerit, retinere, necnon ea omnia, quotiens sibi placueril, dimittere et loco dimissorum aha duo etiam excepta invicem incompatibilia beneficia ... recipere et insimul, quoad vixerit, retinere libere valeat, dispensare dignemini, non obstante quod ipse Johannes archidiaconatum predictum [fructus 6 mr.] obtinet. Fiat ad vitam et de speciali. T.

Supplicat prefatus Johannes in personam dilecti sui familiaris Laurentii Andree clerici Ottoniensis diocesis, de presbitero et soluta geniti, cum quo auctoritate apostolica dudum extitit dispensatum, ut ad omnes sacros ordines posset promoveri etc. ..., quatenus dictos ordines a quocunque antistite .. temporibus etiam extraordinariis recipere valeat, concedere dignemini. Fiat. T.

Et quod littere apostolice super prescriptis duabus supplicationibus gratis de mandato s. v. ubique expediantur. Fiat gratis ubique. T. Datum Rome 8. kal. maji anno 3.