Cristierno Dacie regi. Gratie divine premium et humane laudis preconium acquirilur, si per seculares principes prelatis, presertim cathedralium ecclesiarum regimini presidentibus, oportunum favoris presidium et honor debitus impendatur. Dudum siquidem, Vlrico episcopo Arusiensi regimini Arusiensis ecclesie presidente, nos ... provisionem ipsius ecclesie dispositioni nostre duximus ea vice specialiter reservandam. Postmodum vero, prefata ecclesia per obitum eiusdem Vlrici pastoris solatio destituta, nos ... ad Johannem electum Arusiensem, tunc archidiaconum eiusdem ecclesie, in sacerdotio constitutum, .. direximus oculos nostre mentis ... [ac] de persona ipsius Johannis electi eidem ecclesie providimus — Cum itaque sit virtutis opus dei ministros benigno favore prosequi ac eos verbo et opere pro eterni regis gloria venerari, serenitatem tuam hortamur attente, quatenus, eundem Johannem electum et prefatam ecclesiam Arusiensem sue cure commissam habens pro nostra et apostolice sedis reverentia propensius commendatos, sic ipsos benigni favoris auxilio prosequaris, quod idem Johannes electus tue celsitudinis fultus presidio in commisso sibi cure pastorahs officio possit deo propitio uberius prosperari ac tibi exinde a deo perennis vite premium et a nobis condigna proveniat actio gratiarum. Datum Fabriani Camerinensis diocesis 7. id. nov. anno 3.