Supplicat s. v. .. Olavus Johannis presbiter Roskildensis diocesis .. Cristierni Dacie et Norvegie regis cancellarius, quatinus secum, ut cum cantoria ecclesie Haffn dicte diocesis, que curata et dignitas, non tamen principalis, in dicta ecclesia existit, quam obtinet, unum seu alias quecunque duo curata seu alias incompatibilia beneficia, recipere et, quoad vixerit, retinere necnon ea et quevis alia imposterum obtinenda incompatibilia beneficia ... simul vel successive, simpliciter aut ex causa permutationis, quotiens sibi placuerit, dimittere et loco dimissorum alia similia vel dissimilia beneficia ecclesiastica etiam recipere et similiter insimul, quoad vixerit, retinere valeat, dispensare dignemini gratiose non obstantibus .... cantoria predicta [fructus 20 mr. arg.] ac gratia expectativa, si quam idem Olavus habeat, in cancellaria apostolica exprimenda Fiat ad vitam et de speciali. T. Supplicat s. v. .. Laurentius Andree clericus Ottoniensis diocesis, quatinus secum super defectu natalium, quem patitur de presbitero genitus et soluta, ut eo non obstante quatuor beneficia ecclesiastica cum cura et sine cura recipere et retinere eaque ..., quotiens sibi placuerit, dimittere et loco dimissorum alia similia vel dissimilia beneficia ecclesiastica invicem compatibilia etiam recipere et retinere valeat, dispensare dignemini gratiose non obstante quod alias cum eodem Laurentio, ut huiusmodi non obstante defectu ad omnes ordines promoveri et beneficia ecclesiastica, etiam si curam haberent animarum, obtinere valeret, apostolica fuit auctoritate dispensatum. Fiat. T. Datum Rome id. dec. anno 3.