Alias prioratu monasterii Halstadensis ordinis s. Benedicti Ottoniensis diocesis, qui claustralis est ..., per assecutionem pacificam abbatialis dignitatis monasterii Ringstadensis ordinis s. Benedicti Roskildensis diocesis per .. Olavum dicti prioratus ultimum priorem factam vacante.. Olavus abbas et conventus monasterii Ringstadensis prefati dictum prioratum sic vacantem Henningo Petri monacho expresse professo dicti monasterii contulerunt et de illo etiam sibi providerunt, quarum collationis et provisionis vigore ipse Henningus dicti prioratus possessionem extitit pacifice assecutus. Et quia, pater sancte, de viribus collationis et provisionis huiusmodi ab aliquibus hesitatur, supplicat igitur s. v. dictus Henningus, quatinus collationem, provisionem et possessionis assecutionem huiusmodi et quecunque inde secuta ratas et gratas rataque et grata habentes ac defectus, si qui intervenerint in eisdem supplentes de eodem prioratu [fructus 3 mr. arg.] ... eidem Henningo providere et ipsum in priorem dicti prioratus preficere dignemini T. Datum Rome 4. id. febr. anno 3.