.. Pro parte .. cleri infrascripti redditus salinares in salina Luneburgensi Verdensis diocesis habentium s. v. exponitur, quod novissime v. s. concordiam, conventiones et pacta quondam inter devotos tunc vivos in Hersfelde, Lunenburg, Locken, Nigenkampe, Hiddense, in Schermbecke monasteriorum quondam abbates ac Lubicensis maiorisque et s. Andree Verdensis et b. Marie Hamburgensis et s. Blasii Brunswicensis, rectorem parrochialis ecclesie s. Martini et provisores hospitalis b. Marie ibidem et in Bardewyck et in Rameslo ecclesiarum prepositos, decanos et capitula necnon in Ebdestorpe, Lune, Medingen, Buxtehude, Hylgendal, Noviclaustri, Walsrode, Discorpe, Dambeke, Roinhusen, Ysenhagen, Romelberge et in Monense monasteriorum prepositos et conventus eorundem ac provisores hospitalium s. Spiritus in Lunenburg et s. Nicolai in Bardewick ac omnes vicarios in predicta civitate Luneburgensi s. Benedicti, Cisterciensis, Premonstratensis et s. Augustini ordinum Maguntine, Bremensis, Werdensis, Hildensemensis, Swerinensis, Mindensis, Lubicensis, Halberstadensis et Roskildensis diocesium multasque alias personas ecclesiasticas utriusque sexus ex una et Tydericum Springintgium, Albertum Hoyke, Johannem Lange, Eylemannum Rene, Hartwicum Abbenborg, Ludolphum Russcher, Jacobum de Ponte, Brand de Zerstede, Sanderum Schelpeper, Haiseke Luneburg, Nicolaum Sutoris, Tidericum Bromes, Johannem Grabow, Johannem Dicke, Johannem de Molendino, Conradum Bolzem, Hinricum Viscule, Johannem Abbenborch, Ottonem Garlop, Albertum de Molendino, Gotfridum de Hagen, Meynen vam Lo, Detmarum Dutkel et Johannem Sammesbecker proconsules, consules et cives principales de opido et universitate Luneburgensi dicte Verdensis diocesis pro se omnibusque aliis suisque successoribus et heredibus pro tempore in eadem civitate sive opido ex altera partibus initas, habitas et factas initaque, habita et facta ac sigillo eiusdem civitatis Luneburg et juramentis prenominatorum civium corroborata in omnibus suis clausulis et capitulis rata et grata habens confirmavit et approbavit motu proprio et ex certa scientia decernens et declarans ita modernos proconsules et cives et universitatem Luneburgenses et etiam eorum successores et heredes pro tempore veluti quendam Tidericum Springintgium, Albertum Hoyke, Johannem Langhe et Tillennannum Bene ac alios prescriptos proconsules et consules, qui huiusmodi concordiam, conventiones et pacta sigillarunt et eorum juramentis affirmarunt, obligatos et astrictos fore ad observationem omnium in eisdem concordiis et pactis contentorum defectus, si qui quomodolibet intervenissent supplendo, prout in supplicationibus motus proprii .. plenius continetur. Verum, pater sancte, cum parum aut nichil proderit huiusmodi concordiam et pacta tunc subisse et nunc confirmationis robore stabilire, nisi transgressores et convenientes pro tempore viis et remediis oportunis ad observationem in eis contentorum compellantur, cumque etiam moderni proconsules, consules et cives Lunenburgenses sepenumero contra formam seriemque huiusmodi concordie in prejudicium libertatis cleri reddituumque et bonorum huiusmodi salinarium saline in Lunenburg signanter in vicinis in quibusdam fluminibus ad prefatos abbates, prepositos, decanos, monasteria, ecclesias et capitula et personas ecclesiasticas quamplures conjunctim et divisim spectantibus venisse et deliquisse et fecisse venireque, derelinquere et facere et alias in finalem destructionem huiusmodi ecclesiarum, monasteriorum et capitulorum ac personarum ecclesiasticarum et minorum ecclesiasticorum beneficiorum machinari asserantur, immo fortius iidem consules et proconsules moderni de Lunenburg nuper in partibus illis certam dietam cum clero predicto occasione premissorum tenentes medietatem vel saltem longe ultra tertiam partem omnium bonorum et reddituum cleri in salina Lunenburg pro se habere et levare posse apud eundem clerum instarunt et postularunt, et cum petitio huiusmodi sibi juste denegaretur, veluti ingratissimi omnia bona et redditus salinares cleri pro se capere et detinere velle via facti, cum de jure non possint, dicuntur comminati, licet clerus ipse multis jam elapsis temporibus et adhuc actu dictis consulibus et proconsulibus et universitati Lunenburgensibus in figura subventionis benivole pro relevandis oneribus debitorum civitatis propter bonum pacis quartam partem omnium suorum reddituum in bonorum in dicta salina donaverint atque donent de presenti, unde nisi s. v. paterno subventionis auxilio clerum prenominatum et eius libertatem circa premissa gratiose consoletur, tandem non aliud verisimiliter est resultare ex hiis quam eosdem consules, proconsules ac cives per huiusmodi angariam omnia bona et redditus salinares in prejudicium status et libertatis ecclesiastice pro se, quod absit, contra juris et concordatorum pretactorum formam usurpare et vendicare velle. Ne igitur dictus clerus eorum bona et redditus in predam et perpetuam servitutem quam pluribus etiam aliis ad degluciendum bona ecclesiarum fauces apertas habentibus et perniciosissimum subjectionis exemplum redigantur, sed potius jusjurandum huiusmodi concordatorum et sigilli civitatis corroboratio per sepedictos consules, proconsules et cives ac universitatem in Lunenburg perpetuo intemerata et juxta eorundem concordatorum seriem illesa conservetur, pro parte prefatorum abbatum, prepositorum, decanorum, canonicorum, monasteriorum, capitulorum et conventuum ceterarumque personarum ecclesiasticarum huiusmodi concordiam, conventiones et pacta sibi capitulisque, ecclesiis, conventibus ac beneficiis suis observari desiderantium e. s. conjunctim et divisim humiliter supplicatur, quatinus v. s. executores et conservatores huiusmodi litterarum compositionis et concordie et in eis contentorum ac confirmationis, voluntatis et declarationis v. s. motu proprio factarum eisdem abbatibus, prepositis, decanis, ecclesiis, monasteriis et capitulis, conventibus ac personis predictis in expeditione litterarum e. s. super hiis per eos nominandos et specificandos etiam ultra duas dietas ad transgressores, convenientes huiusmodi concordie et inobedientes vel eis consilium, auxilium et favorem prestantes aut eis adhesionem in premissis et circa ea directe vel indirecte facientes, cuiuscunque, etiam status ecclesiastici vel secularis gradus ordinis et conditionis fuerit vel fuerint, sub censuris ecclesiasticis et interdicti ac aliis formidabilibus penis, prout negotii qualitas exegerit, etiam auxilii brachii secularis invocatione et in eventum, quo requisiti processibus apostolicis ipsorum contemptorum et parvipensorum reperti fuerint, sub ammissionis et privationis omnium privilegiorum per dictos contemptores quomodolibet a sede apostolica et alias obtentorum penis inhabilitatisque adhibenda monendi et requirendi eosque, etiam si communitas vel communitates civitatum vel opidorum fuerint, et quemlibet ex eis inobedientibus impremissis vocatis vocandis in penas predictas incidisse declarandi, aggravandi et reaggravandi, etiam per edictum publicum locis circumvicinis affigendum, dare et concedere dignetur ... nomina et cognomina locorum ac personarum partem forte cum Lunenburgensibus capientium similiter habentes hic pro sufficienter expressis non obstantibus, si sepedicti consules, proconsules, cives et universitas Lunenburg aut alia quevis civitas vel opidum ipsis in dictum eventum auxilium, consilium, favorem vel adhesionem prestantes auctoritate sedis apostolice vel legatorum eius, quod in jus vocari, conveniri, condempnari, excommunicari, interdici vel molestari non possint, nisi per suum ordinarium et coram eo indultum vel quomodolibet concessum existat, ac non obstantibus in supplicatione motus proprii predicta expressis ... omnes defectus, si qui circa premissa quomodolibet intervenerint, auctoritate apostolica gratiose supplentes Fiat. T. Datum Rome id. aprilis anno 4.