.. Lite alias in vestro sacro palatio coram certo illius auditore inter Andream Vulff canonicum prebendatum in ecclesia Zwerinensi reum ex una et quendam Henricum Sonneken assertum clericum Razeburgensis diocesis eius adversarium actorem de quibusdam canonicatu et prebenda dicte ecclesie Zwerinensis in prima instantia pendente partibus ex altera dicta causa de partium predictarum consensu .. dominis quondam Matheo Dietmari, Johanni Ghelii canonico ecclesie Lubicensis et Johanni Sloren sacre penitentiarie litterarum scriptori canonico ecclesie Slesvicensis judicibus commissariis, arbitris et arbitratoribus ac amicabilibus compositoribus de earundem partium etiam consensu per specialem apostolice sedis commissionem extitit commissa, qui commissarii in dicta causa procedentes diffinitivam sententiam, per quam dicto quondam Henrico nullum jus in canonicatu et prebenda predictis competiise ac super illis sibi perpetuum silentium imposuerunt, promulgarunt, que nulla provocatione suspensa in rem transivit judicatam. Subsequenter e. s. ad dicti quondam Henrici instantiam aliquibus e. s. pro eo expositis domino Guillermo de Fundera dicti palatii auditori commisit et mandavit, quatinus dictum quondam Henricum ad appellandum versus dictam diffinitivam sententiam constito de dictis etc. restitueret et alia faceret, prout in com missione eidem auditori facta plenius continetur. Deinde lite inter dictas partes super dicta restitutione ad appellandum coram eodem domino Guillermo auditore pendente dictus Henricus, qui.. domini Petri tituli s. Vitalis s. Romane ecclesie presbiteri cardinalis familiaris continuus commensalis erat, apud sedem apostolicam, sicut domino placuit, extitit vita functus, per cuius obitum dicti canonicatus et prebenda ac omne jus sibi in eis quomodolibet competens vacare dicatur et vacet ad presens. Ne igitur, clementissime pater, dicto Andree presbitero in lite predicto novus surrogetur adversarius, et quia, beatissime pater, nullus alius collitigans est, idem Andreas exponens s. v. humiliter supplicat, quatinus litem et causam huiusmodi ad s. v. advocantes et extinguentes sibi de dictis canonicatu et prebenda [fructus 18 mr. arg.], sive per obitum Hermanni Gerold .., qui felicis recordationis Alexandri V in sua obedientia nuncupati familiaris continuus commensalis fuit, aut alias quovismodo ... vacent, .... providere misericorditer dignemini. Fiat. T. Datum Fabriani Camerinensis diocesis 8. kal. aug. anno 4.