.. Hermanno Duker preposito ecclesie Ramesloensis Bremensis diocesis decretorum doctori. Litterarum scientia, vite ac morum honestas [etc.]. Dudum siquidem omnes dignitates in collegiatis ecclesiis principales tunc vacantes et inantea vacaturas collationi nostre reservavimus ... Cum itaque postmodum prepositura ecclesie Ramesloensis Bremensis diocesis, que in eadem principalis et Bremensi ecclesiis non tamen maior post pontificalem dignitas existit, et quam quondam Johannes obtinebat, per obitum eiusdem Johannis vacaverit et vacet ad presens ..., nos volentes tibi, qui presbiter et litterarum apostolicarum abbreviator existis, gratiam facere specialem preposituram predictam, cui cura imminet animarum, [fructus 6 mr. arg. apostolica tibi auctoritate conferimus et de illa etiam providemus....... non obstante, quod, ut etiam asseris, parrochialem ecclesiam in Lunden [fructus 6 mr. arg.] obtines, nosque dudum tibi de canonicatu ecclesie Bremensis, in qua maiores, medie et minores prebende fore noscuntur, cum reservatione maioris prebende ac dignitatis, personatus, administrationis vel officii eiusdem necnon beneficii ecclesiastici cum cura vel sine cura ...., ad collationem... prepositi, decani et capituli singulorumque canonicorum et personarum ecclesie b. Marie Hamburgensis Bremensis diocesis .. communiter vel divisim pertinentis vacantibus tunc vel vacaturis, quarum vigore perpetuam vicariam sine cura in ecclesia s. Jacobi Hamburgensi dicte diocesis, quam non possides [fructus 4 mr. similium] tunc certo modo vacante cum protestationibus in talibus fieri solitis infra tempus legitimum acceptasti et de illa tibi provideri obtinuisti gratiose provideri, mandavimus tecumque etiam, ut cum dicta parrochiali ecclesia unum vel ea dimissa duo alia beneficia ecclesiastica cum cura vel alias incompatibilia quecunque, si tibi alias canonice conferantur recipere et, quoad viveres, retinere illaque .., quotiens tibi placuerit, dimittere et loco dimissorum alia similia vel dissimilia beneficia ecclesiastica duo tantum invicem incompatibilia, dummodo due parrochiales ecclesie insimul non existerent, etiam recipere et similiter, quoad viveres, insimul retinere ...... valeres, dispensavimus gratiose. Et insuper tecum, ut preposituram predictam, si tibi vigore presentium conferatur, recipere et retinere libere et licite valeas, quod canonicus actu prebendatus, integratus vel emancipatus non sis, ceterisque contrariis nequaquam obstantibus tenore presentium indulgemus Datum Rome apud s. Mariammaiorem 7. id. nov. anno 4.

Simili modo Pennensi et Lubicensi episcopis ac .. preposito ecclesie Slesvicensis. Datum ut supra.