Hæc sunt FRIDrici DANorum Insignia REGis
Quælibet ornatur Stemmate terra suo.
DAnia cœruleos ternos sibi aquosa LEones
Vendicat aurato, in corda nouena, solo:
Sicque bipenniferum NORuagia lata LEonem
Est Clypei roseo pingere sueta solo:
Aurea cœruleo sed enim Diademata scuto
Triquetra SVediaci splendida signa soli:
Corda novem LEO transiliens animosus amœna,
VANdalicæ terræ signa vetusta refert:
Corporis alati Philyræ de voce DRAconem
Sanguineo in Clypeo vult habitare GOthus.
Cœruleos geminos Clypeo flauente LEones,
Inclyta SLESuiacus signa DVcatus habet,
Hinc vrens niveo depicta VRtica colore,
Purpureoque refert HOLStica signa solo.
Candide fulgenti Diademate CYGne triumphans,
STORMaricæ gentis signa venusta notas.
Palmaque, victoris victæ Cataphractus habetur
Ensifer et terræ DITHmariensis EQues.
Candida CRVX olim docet OLDenburgia verum
in Cruce suspensum te coluisse DEum.
Alternoque TRAbum pictarum Insigne colore,
Stemma refers Comitis DELmenishorste tuj.
