SYLuius et DAphnis, duo conuenere periti
Pastores, parili calamo cantare sueti:
E quibus exiguo, grato sed pectore, versu
Laudes, res gestas, Mauortia Syluius acta
Heroum, tenui modulatus carmine cannæ:
Alter at à patria profugus, sine munere Daphnis
Tristis, inops, exors, tenuis, miser, exul, anhelus,
Corporibus ducens macilentisA tenuia multum
Armenta, in Campis errando murmure solus
Ob generosorum certamine lenta leonum
Exilij tristem deflebat carmine sortem:
Conueniunt tandem: gravibus sine carmina curis
Montis in arborei recinentem vertice læta
Repperit N á syluis et habentem nomina saxis.
(D.) Incipit: N ah patulæ tiliæ sub tegmine SyluiA ,
Hîc recubans lætum modularis arundine carmen?
N Cum patriam profugi fortunæ motibus acti
| N spaciosi tempore belli
Liquimus (ah miseri) peregrinis pascua pratis
Quærentes gregibus, sine lege, sine ordine, nostris.
(S.) Daphni sile, gemitus, vt inanes, linque: remitte
Singultus imo cordis tibi fonte profectos:
Propediem dabitur patrios impune penates
Atque lares tandem tuto repetisse relictos.
Martia Bellonæ siquidem trucis arma facessunt,
Atque Salus pariter niueis comes aduolat alis
Cincta caput ramis viridis Pax inclyta Oliuæ:
Omnia nam placidum modo habent certamina finem.
(D.) Læta refers. Vtinam quoque sint ea singula Sylui
Vera, mihi quæ tu misero modo dicere es orsus.
(S) Daphni fide firma sunt hæc dignissima, narro
Quæ tibi, quæ constant mihi perspectissima facta.
Pax etenim N pacto sancita est fœdere pridem,
Inter et hæc N septem spectant quæ regna triones,
Atque duos eadem Reges qui regna gubernant.
Vnde inijt thalami non dissoluenda pudici
Fœdera, regali prognata stemmate Nympha
Inclytus ascita sibi nunc formosus N IOLas.
(D.) Vnde tibi rerum tam copia læta nouarum?
Ipse ego cum tristi lachrimosam pectore terram
Linquebam patriam, resonabant omnia planctu:
Tristia funestis feruebant vndique signis
Bella: nisi et bellum fuerat nihil omnium in ore:
|
Tuncque vicem patriæ, nuptæ innuptæque gemebant,
Præscia tunc coniunx sortem miserata mariti,
Seque viro, et caro patre ceu caritura tenella
Pignora deflebant: heu tristia et inuida fata.
(S.) Crede mihi, recito nisi non comperta, fideque
Digna, vel his oculis vidi, quæque auribus hausi
Nuper, vbi patriam visi tibi Daphni relictam
(Namque tuam terram me perlustrare paternam
Iuuit, vt in Danis Pastorum carmina caulis
Auribus ac auido cognoscere pectore possem).A
N Omnia tunc populi geminato compita plausu
Vndique pastorum medijs in montibus hymni
Attentis pecorum concentus auribus apta
Harmonia; tunc sic resonabant, omnia tuta,
Omnia tuta, modo Deus et Pax inclyta fecit
Bella silent: Hymen et bene olentibus obsitus herbis
Intrat in excelsis vbi iam regalis Iolæ
Culminibus, N paci placidæ Sapientia N cæsti
Iuncta nitet nodis nullo resolubilis ausu.
(D.) Ominibus Regi quam se dant obuia lætis
Omnia, sint Regi precor hæc Regnoque saluti.
(S.) Ominibus moueor tantis, tam Daphni beatis
Plurima de Regis bona vaticinarier orto
Filiolo: siquidem tam læta inceptio, tamque
Augurijs nupsit Paci Sapientia faustis:
|
Nominibus, Pacem cùm sic Sapientia fulcit.
(D.) Eia tibi nostro placeat vel nomine Syluj
Historiæ nobis Hymneæi dulcis IOLæ,
Carmine rem modico gestam contexere totam:
Singula cum constent tibi non incognita facta.
(S.) Hoc mecum lato poteris considere saxo:
Dum modò depastas recubans grex ruminat herbas;
Et tibi, sed breuiter, narrabo cognita nobis
Fœdere de nostri venerando Regis IOLæ:
Cinctaque sit quali pompa N Galathea corona:
Quaque recens natus Regis, sit in arce N renatus.
(D.) Assideo, gregibus stratis in gramine, lætus
Auribus arrectis et auens rem discere gestam.
(S.) Edidit vt domitæ signum Tithomarsiæ in aruis
Nobile virtutis plus quam regalis, N Achilli
Haud dispar, minor aut induto illius IOLas
Exuuias, spolijs etiam ditatus opimis,
Antea quàm voluit diademate tempora cingi:
Sic et Hyperboreis animosi pectoris Heros
Hectoris exeruit vires generosior oris
Antea connubij socialia vincula sacri
Quàm subijt: domito senioreque Rege SVedo:
Altero amicitiam, tandem cum Rege petente
Pace data pacis sub conditionibus æquis.
(D.) Ominibus: Regis quam se victoria lætis
|
Quam varia Dominus sanctos ratione gubernat,
Quamque suos vicibus ludens excercet in orbe
Alternis: quam sunt N solido non tempore firmæ
Res hominum, lubricæ, stabili neque sidere fixæ.
Quin modo sunt lætæ, paulo post rursus amaræ:
Et modo quæ tristes, vice versa, sunt modo lætæ:
Temperat alternis Dominus sic omnia rebus
Tristia cum lætis, cum N miscet dulcia amaris,
Rebus in aduersis miseri ne succumbamus,
Rursus et in rebus ne pectora laxa secundis
Inflemus, memores Domini tristesque hilaresque.
Verum age Bellona domita, dic gesta N Diones
In primis Regis memorans et nomina N Nymphæ.
(S.) Omen inest rebus, vel in ipsis omina fausta
Nominibus: Pacis sunt diuitis N omnia Regis
Nomina, N Reginæ sapientia nomen obumbrat.
(D.) Ominibus Regi et Reginæ prospera lætis
Nomina, sint Regi precor hæc Nymphæque saluti.
(S.) N Est Obotritorum regio de nomine prisco
Inclyta Baltiaci prope sed vada cærula ponti
Littora Daniacis habet hæc confinia Regnis,
Cui modo N ceu cœli præsunt quoque sydera fratres
Torua trucis gestant quorum Bouis ora, paterna
Stemmata: de summo venit ast Sapientia natu,
N Gratia cui nomen diues dat diuite cornu
| N satiataque copia, dulce
Nomen habet fausto quæ sidere nupsit Iolæ.
(D.) Ominibus Regi quam se dant obuia lætis
Omnia, sint Regi precor hæc Regnoque saluti.
Porro velis Sylui tandem depingere pompam,
Atque modo quali et quo dicere pacta iugalis
Fœdera FRIDrici et SOPhiæ sint tempore tedæ.
(S.) Deuia N retrogradi tæsus vestigia Cancri
N Cynthius igniti N lassabat N terga Leonis:
N Nona bis at mensis fuit vt lux orta peremti
Cæsaris, est à quo Quintilis nomen adeptus,
Cum modo maturis flauerent frugibus arua.
(D.) Ominibus Regi quam se dant arua beatis
Pinguia, sint Regi precor hæc Regnoque saluti.
(S.) Excipitur COCHia Danorum Regis in urbe
N SAXOnicus retinens AVGusti Cæsaris omen
Nominis, vt rebus belloque togaque peractis
AVGusto haud dispar, comitatus coniuge princeps
N ANNA, germana Regis, comitante N Nepote
Regis CHRIStiadis qui nomine magnus auito,
Rebus erit maior, pietateque maximus Heros.
Excipitur simulac N Charitum de nomine dictus,
Qui socer et N pater est nostri reuerendus Iolæ,
Coniuge cum generi Satiata dotis
Iolæ
Munere, cum reliquis, numero sine, pompa, Dynastis.
(D.) Ominibus Regi quam se dant obuia lætis
|
Haud tamen hoc ipso Regis reor agmine Nympha
Adfuit, vt N pridem deducta in Regis Iolæ
Arce COpenhagia quæ nostri regia Regis.
(S.) Daphni N audes quid si fuit hic deponere mecum:
Et nisi tunc COCHia dulci cum matre profecta
Nympha Copenhagiam petijt sociata decora?
(D.) N Hunc ausus niuei tecum sum velleris agnum
Anniculum, morbo et macula deponere cassum.
(S.) Audeo lasciuum hunc contra depromere matris
Vberibus raptum, licet atri velleris hædum.
(D.) Perge sed (hanc litem dirimet post ipse N PalemonA )
Pingere, cæpisti veluti, mihi cœtera Sylui.
(S.) Pompa Copenhagiam Cochia qua luce profecta
Carpsit iter gradiens lento pede regia, forte
Ipse, sed innumeris alijs comitatus ab vrbe,
Ante, foris, portam N calidis spaciabar arenis
Obseruans reditum Regis Procerumque cupitum:
Ecce via Cochia rectà quæ ducit ad urbem
Turma equitum primo intuitu N de monte videnda
Apparet,A fit mox hominum concursus vbique,
Rex venit; erecta quisquis modo fronte profatur,
Accelerant longo pedetentim denique tractu
Quolibet in membro venientes vndique terni
Ensiferi primo famuli nempe agmine, visi
Gestantes geminas in ephippia N chiriboardas:
|
Atque Ducum Proceres, Regni subit atque Senatus:
N Vicena octo equitum sic membra ducenta fuere.
Pone fuitA dictis Ducibus sociatus Iolas,
AVGusto imperij dextram Electore tegente,
Et socero Regis medij claudente sinistram.
Hinc adolescentes ter terni ceu Ganymedes
Gestabant nitida galeati fronte N phalanges:
(D.) Ominibus Regi quam se dant obuia lætis
Omnia, sint Regi precor hæc Regnoque secunda.
(S.) Vt prope sed portam procerum fuit agmen ad vrbis
Ecce N Boardarum N tonitru cum fulgure multo,A
N E vallo quarum fuerant vicenaque quina
Tormenta, excipitur regali more, boatu
Horrisono, terra pedibus sub Daphni tremente.
Hîc sed ego quali referam quantoue sonoro
Cum fremitu veluti N glans rugijt acta per auras?
Iacta caput paulo supra cum murmure nostrum;
Penè sono simili silicem cum Daphni retorta
Funda volans sursum sublimia in æthera mittit:
Quamque fuit densus nitrati pulueris aër
E fumo, et sparsit crebra quem glande petita
Terra, globus subijt quoque vbi fretum Amaggerianum,
Quanta fuitA sursum tunc fusa et in æthera aquæ vis:
Fumus at a vento veluti fuit actus ab ipso
Rege, quidem Euronotus quem tunc spirabat amœnus,
|
Diffugiunt, cedunt ab eo sic cuncta pericla.
(D.) Læta refers Sylui simulac horrenda, sed ipsa
Ominibus quam se Regi dant omnia faustis
Prospera, sint Regi precor hæc Regnoque saluti:
Quid tibi tunc animi fuit in discrimine tanto?
(S.) Ipse tremens quamuis et delectabar acerbo
Hoc tormentorum tonitru, flammaque micante,
Attamen astabam Regi (Rex numine tutus)
Sic fore me Regis securum proximitate
Rebar; vt assistens Ducibus quos numina seruant.
Siue (quod auertit, cui laus, DEVS omne) periclum
Extisset Regi, cum Rege occumbere pulchrum
Esse ratus, metui vitæ mihi nulla pericla.
(D.) Ominibus Regi quàm se dant tuta secundis
Omnia sint Regi et precor hæc felicia Regno.
(S.) Porro molæ aëriæ volucri ter quinque susurro
Expansis velis, N Cereris quoque munere plenæ,
Cum nitidi toto comitatus agmine Regem
Præcipiti excipiunt reducem resonante rotatu.
Quodue magis mirum; solitum tunc splenduit vltra
N Phœbus, at illius cito sub fulgore, subortus
Largus erat, tamen haud multum durabilis, imber.
(D.) Ominibus Regi quam se dant prospera lætis
Singula, sint Regi precor hæc Regnoque salutj:
Omen adest Cereris, Phebi, et N Iunonis amicum:
|
Tempora promittunt: Nam Solis, et aëris apta
Temperie fructus tellus producit opimos:
Cum ferimus Cælum nam si Deus addit amœnum,
Cumque latet semen, pluuia rigat inde N serena,
Alma Ceres domini cellamque penumque replebit:
(S.) Omnibus explosis gravioribus his bombardis
Quas retuli portæ vallum sublime habuisse,
Intrauit tandem generoso corpore Iolas
Splendidus in niueo residens spumante caballo,
Atque Duces inter medius qui SAXona sceptra,
Et MEGLapyrgiacas qui dux molitur habenas.
Pone duces et sunt comitata Gynecia Regem,
Hæc vbi et intrarunt vrbis modo moenia dictæ,
N Ecce repentinus strepitus crepitante per vrbis
Fulgure dein gyrum, volitante vt ab igne boardis
Editur explosis crebrisA cum murmure bombis.
N Nauibus exonerant valido hinc tormenta boatu:
Iuncta Tubæ dubios geminant cita tympana tactus:
N Transit et in triuijs iterataque trita tubarum
Harmonia, inflatis non assimilanda N cicutis
Nos quibus æstatis soles traducere Daphni
Sueuimus, his gregibus cura vigilante dicati:
N Compita densatus populus promiscuus arctè
Occupat, vt Regem possit quoque cernere Nympham:
Nec vidisse semel, satis est, queat vsque videre
|
Excipitur Rex, et comitatus regius inde
Arce Copenhagia, quam fluctibus vndique cinctam
N Baltica cœruleis Thetis complectitur vlnis.
(D.) Ominibus Regi quam se dant obuia lætis
Gaudia, sint Regi precor hæc Regnoque saluti.
(S.) N Postera lux mitem misit præclara N IOHAnnem
N Pacifica HOLstenias trutina qui flectit habenas.
Inde pij Regis, pius est germanus et vrbem
Ingressus N IVNIor, N comitante uxore, IOHANnes.
Tertia lux, hæc est Iulij vicena coruscans:
(Qua fera DITHmariæ quoque luce subacta potestas
Ante decem et lapsos octo totaliter annos:
Annus at hoc versu quo pugna nouissima facta est:
N LIbertas terræ fVIt effera DIthMarIanæ:
Est et in his idem verbis breuioribus annus,
Effera LIbertas DIthMarIana fVIt.)
Tertia lux post hæc Regi feliciter (inquam)
Illuxit nitidis oriens formosior alis:
Grande fuit recolit quod CHRisti ECClesia festum,
N Sectantes triduum quo cælica fercula, verbo,
Et duo, septeno, bis millia, pane cibauit:
Pòst cophinos septem, totidem de panibus, atque
Pisciculis paucis, pasti (mirabile) replent.
(D.) Ominibus Regi quàm se dant omnia lætis
Hæc quoque sint Regj precor et felicia Regno.
|
Atrio ab excelso descendunt ordine Regis,
Nobilium pariter tandem mixti vndique terni
DAniaci, HOlstenij, MEglapurgiaci, quoque Mysi
Præcedunt Regem sponsum, quem ducere visus
Vt medium N SAXO dexter, læuusque N IOHANNES
Regius vt Frater: Legati hinc atque Barones
N Atria conscendunt, hac, Regis in altera, pompa:
Inde fere simili præcedunt ordine Nymphæ
Innumeræ, varijs gemmis, auroque nitentes
Reginam, modico comitantem has interuallo:
(D.) Omine iucundo quam se dant obuia Nymphæ
Singula, sint precor hæc Regi Regnoque secunda:
Qualis erat reliquas inter Galathæa puellas?
(S.) Id numero dicam: mihi non homo sed Dea visa:
Hancque Duces parili ducebant nomine bini,
Dexter erat Regis Socer, huic Princepsque sinister
N Pacifer, N attribuit cui Gratia nomen
vtrique:
Postea Matronæ generosas arce Ducissas
Vltima postremæ clauserunt membra sequentes:
Pompa quaterdeno conclusa satellite vtrinque est,
Corporis hi Regis custodiæ vbique putati
Vulgus iners N validis simul arce bipennibus arcent,
N Ianthinus alterna vice et illis albus amictus
Distinctim decorant artus, proceraque membra;
Sed color est Aulæ N byssinus coccineusque
|
Fert, Euangelicæ doctrinæ præco disertus,
N CHRIStophorus CHRIsti vere de nomine CNoffus
Veste Damascena decoratus Rege ferente
Copulat hic fausto velut omine Pallada Pacj,
Vota facit pariter sexus vtriusque corona
Mente pia, Regi Reginæ fausta precando:
Talibus auspicijs Galathææ iunctus Iolas
Descendit, N lætis peragens conuiuia mensis.
(D.) Ominibus Regi quam se dant obuia faustis
Omnia sint Regi precor hæc Regnoque saluti.
(S.) Quarta dies (lux hæc Iulij vicenaque prima)
Protulit vxori Regis diadema recenti:
(D.) N Acta modo mihi quo rogo ne narrare graueris
Pompa sit, at breuiter, tibi ne mora longa molesta.
(S.) Ducitur in templi penetralia Regia Coniunx
(Tecta Damasceno roseo tunc atria templi
Splendebant) sexus proceres vtriusque decori
Circumstant: N sedit Regis decoranda Corona
Nympha chori medio, N deaurato sola sedili:
N Organicen resono feriens mox pegmate claues
Grata volubilibus digitis modulamina fundit:
Hinc N monet officij regalis N Episcopus ipsam:
Inde fuit structo Regina Argentea claustro
Abdita: profusis pòst ducitur N Aurea tota
Crinibus, vt sponso socianda puella marito:
|
Musica mox iuuenum superans pius instrumenta
Omnia dulcisonis, concentus, vocibus aures
Occupat attentas, præmolli carmine mulcens.
Illa dehinc surgens templi prope constitit aram,
Rursus et officium regalis muneris audit:
Esse Deo gratus populusque iubetur ob isthanc
Reginam, Dominam Danorum, vota precesque
Pro cuius, velutj pro Regis, vbique salute
Daniacj Regnj fundat cum plebe SEnatus:
N Scabello aurato hinc genua in subsidere iussæ,
Totius vnanimes Regni sub nomine Danj,
Gemmatis Proceres redimiti tempora sertis
Reginæ rutilam gemmis, auroque coronam
Imponunt capiti, CHristi N mediante ministro:
Applaudunt omnes, plausum testante sonoræ
Voce tubæ, templi resonantibus vndique tignis:
(D.) Ominibus Nymphæ quàm se dat Gloria lætis
Obuia, sit Regi precor hæc Nymphæque salutj.
(S.) Excipitur posthæc aurato regia cœlo
Nympha, petit sub quo N solido de Daphni metallo
Argenti, nitidam deaurato margine rhædam,
N Quadrijuges niuei quam tunc traxere caballi,
N Bucephali, et N Gryphes, quam Nymphæ, et Regia
picta
Schemata condecorant varij fortesque Leones.
In primis placuit signum mihi tale venustum
| N Talibus insculptum pilento Daphni figuris:
N Mite coronato tenet S. F. flexile nexu:
Diua dat amplexus vbi nam SApientia Pacj,
Sunt parilj Pax et Sapientia amore Secundæ, et
N Aurea nos tuto gestant Epiredia ductu:
(D.) Ominibus Nymphæ quam se Fortuna beatis
Obtulit, hæc Regem et Nympham comitetur vbique.
(S.) N Taliter è templo Regina ornata corona
Redditur Hafniaca Regi vxor in arce moranti:
Fercula certatim fuerant hinc vndique mensis
Imposita, N auratis implentur vina N phalernis.
Inde sed amotis epulis, precibusque peractis,
N Plaudere plausibiles iterant caua tympana pulsus,
Stridula festiuos geminandoque fistula flatus,
Et tuba grandisonos clanctus repetita crepando
Dant citæ amabilibus Nymphis optata choreæ
Signa, venit saliens agili sociatus amicæ
Plurimus hinc iuuenis pendet cui pectore torquis,
Regi et Reginæ gratantes gestibus aptis
Lætantur patriæ duo talia lumina terræ,
(REgem et REginam) regnis his cœlitus orta,
Autori grates reddentes pectore CHRISTO:
In quorum thalamis BEnedictio fæta virenti
Germine, multiplici Ioue missa propagine diues
Diua, velut vitis floret pendentibus vuis,
Inde DEj dono, Nymphæ, pia pignora, binæ
|
Nuper adhæc, retuli veluti tibi Daphni, beato
Sidere, de Christi, vel Auj de nomine, dictus
Regulus incolumi (superis laus) Principe matre
Pacifer ingenti Regis Regnique futuræ
Læticiæ plausu scitissimus ortus Iolæ.
(D.) Ominibus Regi quam se dant pignora lætis
Inclyta, sint Regi precor hæc Regnoque saluti.
Vnde sed hæc tenero nosti ventura puello
Tantaque deserti patrij solatia ruris?
(S.) Est tener augustis nam Daphni parentibusA ortus
Regulus à CHristi vel auito nomine fausto
Omine, Baptismi sub mystica munera dictus:
Natus enim Pacis patre, natus qui quoque matre
Principe cui sanctum tribuit Sapientia nomen
CHristianus: Christi, Pacis, Sapientiæ, alumnus
Sic erit, extiterant thalami ceu prospera cuncta
Signa, velut multis memini me dicere verbis,
Fausta patri, matri, soboli, regnoque futura,
Huic sed præcipuè de quo modo Daphni locuti,
Regno qui quondam (pia sed post fata parentis)
Talis erit Dano, pater est modo gloria qualis.
Hunc etenim natum N Charitum tria numina lotum
In patris augusti, vel aui vestigia sancti
Impositum, gratum populo, Ducibusque, Deoque
Tempore venturo Regali sede locabunt:
|
Illius auspicio Borealia regna beato:
Nam velut extinctum lugebant omnia Regem
Huius auum, nato sic hoc nunc cuncta Nepote
In primis pater, et genitrix, proceresqueA N patresque
Decrepitique, senesque, viri, iuuenesque, puelli
Gaudebunt velut à luctu solatia nacti.
(D.) N Gloria, laus, et honor, trino Dominoque sit vno
Qui facit alternis vicibus post tristia lætum
Nubila sub cœlo nobis lucescere Phœbum.
(S.) Vidimus (ô lachrimans recito tibi Daphni) peremti
Morte pia, potius somno quasi consopiti
Elatum Regis COLdinga funus ab arce
Semianimes N laceris N Diuas gestasse capillis
Vrbis ad Otthonis de nomine mœnia primi
N Cæsaris, vt SAxj dicti cognomine Magni:
(D.) Quam memoras vrbem non est à Cæsare Sylvi
Dicta, nec a Magno, neque primo ab N Othone vocata,
Ethnici at Otthonis Regis de nomine Danj,
Qui decimus regni Rex est et in ordine nonus.
N Mercurij lux est Danis Otthonia cuius
Nomine, ceu vrbi de se dat nomina, quòd sit
N Fluminis hîc ripæ sub aprico colle sepultus,
Dicitur hinc Danis vrbs hæc quasi collis Othonis.
(S.) Daphni parum refert seu Cæsare, siue vocata
Rege sit, hæc præstans vrbs est dignissima laude
|
Tanti in ea quòd sint tumulati funere reges
Daniaci: veluti cuius tibi mentio facta:
Ethnicus hic fuerit licet Ottho: deinde CAnutus
Cui tribuunt Sancti, Pietatis nomine, nomen:
Tertius Ericus mansueto mitior agno,
N Forsitan et plures alij: præstantior hisce
Omnibus at sanctus (cepi pertexere cuius
Exequias) rex est CHristi qui nomine Ternus:
Vidimus elatum fuit vt lachrimabile funus
(Inquio) vel multis forsan vidisse negatum,
CHRIstiadis pariter Virtutes ferre N pheretrum
(Ceu N patris exuuias gestant simulacra, Sleana
In ripa, lachrimis Virtutum tempora obortis)
Ante suas ibat Pietas lachrimosa sorores:
Quam fuerant veluti comitata pedissequa turba
Pax, Probitas, Bonitas, Gravitas; Sapientia, Virtus,
Iustitia exilio reuocata, Modestia mœsta,
Atque fides constans, durum et Patientia frangens,
Quæque modum seruat prius vt metitur et ausa:
Tristeque pars harum pheretrum subiere dolentes,
Pars capulum informes pars vtraque rupta capillos,
Tristia luctificis tundendo pectora palmis
Lugebant, flebant, plorabant, collachrimabantA :
Quin N Heliconiadum tria ter, N Charitum et tria
diuûm
Numina, deflexis luctu ceruicibus ægro,
|
Musagetis mœsto plangebant pectore fatum.
Has sed vt est proles flentes flens regia diuas
Intuita, in luctu positas solatur Iolas:
Pacificè lachrimas mandans suspendere cuiuis
Promittit solita fruituras sede locoque,
Et fore Virtutes in honore vt et ante fuere,
Seque vicem patriam Musis præstare perennem
Dante Deo, dignam pio amore et honore N nouenis,
Hasque suo in precio fuerint ceu, sicque futuras
Perpetuo, rerum modò se potiunte, vel ipsis
Illius natis, et qui nascentur ab illis:
Rege pio quod sic velut amisere dolentes,
Repperiunt Rege hoc nostro, Regisque Renato
(D.) Ominibus Nato quàm se dant obuia Regis
Omnia lætificis, nobis sint ista saluti.
Euge, pio hoc N redeunt nostro aurea secula Rege,
Virtutes, Charites, redeunt, Heliconiadesque
Quæ modo mandabant terræ sua semina flentes,
Gaudentes N remetunt contra nunc corde maniplos.
(S.) Vera refers: volo sed paulo his mage Daphni morari
Pastor succensus Regis pastorei amore:
N Viuere ceu thuris lacrimis et odoribus æuum
N Assyrium perhibent simulac finire volucrem:
Sic annos vixit precibus ter quinque piorum
N HISchia ceu, metam vitæ quasi limitis vltra:
|
Est lachrimis quoque sic factus rediuiuus in isthoc
Quem ferimus merita cœlos ad laude Nepote:
Nam N patrio vt perhibent paruum Phœnica renasci
Corpore, qui vitam debet vel viuere auitam:
Sic erit hic Phœnix Regum, Phœniceque natus:
Sicut enim vitam clausit pietate supremam
Rex Auus Angelica COLdingæ voce vocatus,
Sic Frederixburgo castro Pacisque Parentis
Natus, in Hafniaca viuit nepos arce N renatus:
Et velut illius fuerant mœsta omnia morte
Sic huius modo sunt rursus læta omnia vita.
(D.) Ominibus Regis quàm se felicia lætis
Omnia dant Nato, Nato sint ista saluti.
(S.) N Est locus in celsa sacer et venerabilis arce
Hafniaca, multo distinctus Daphni sedili,
In medio fixum retinet sublime columna
N Suggestum (puto quod dictum quia suggerit ipsi
Dicturo Verbi Præconi mystica sensa:
Et populo auditi verbi penetrantis ad ima
Pectoris Adflatus genuinum numine sensum)
Haud procul N exedra dicta, templi nec ab ara
Fons latet æternæ dictus de munere vitæ:
Cuius aquis fusi, sancti et Spiraminis aura
N Hæredes CHristi efficimur verboque fideque:
Huc tenerum tandem gestantes Regis Iolæ
|
cum precibus CHRisto, qui vult sibi talia soli
Pignora deferri, N latum sed N sanguine lotum
Illius effuso, quem Fontis mystica virtus
Designat, sistunt: capit hunc venerandus in vlnis
Præco DEI, recitans diuini oracula Verbi,
Atque vocans trinum discreto nomine Numen,
Vt Patris, et Nati, et Sancti Spiraminis: vndis
Immergit totidem vicibus, pro more vetusto
Daniaco: aut semel intingens in nomine IEsu,
Est quod idem, præsens in quo diuina habitando
Maiestas plenæ Deitatis numine fulget:
Perfundens vel ter fontanæ flumina lymphæ
Aspergit nudo, ceu TEuthonis ora sueuit:
Quolibet hoc patefit Deitatis mystica trino
Vnica diuinæ naturæ Essentia sensu.
Cumque renascatur memoranda regius Infans
N Luce, DEO trino, qua sancta Ecclesia, et vni
Sacra facit, celebrans distincto nomine Numen
Auspicio parili tingatur, et omine eodem:
N Flumen at vt nudis infunditur ordine membris
Hoc sanctum donis opulenter ab æthere fusum
Flamen obumbratur penetrans præcordia paruj
Infantis, mundans arcano pectora motu:
Hinc nudus niueo quasi iam velatur amictu
Ne (veluti quondam nudatus membra decore
|
Perpetuò pudeat nudatum debita inesse
Iusticia, cuius, duce CHristo, amicitur amictu.
Viuat at vt rursus decoratus reddito honore:
Nec pereat nudo pudefactus membra pudore
Æterno: amissæ rursum redeuntis amica
Sed queat induuias indutus gratiæ IEsu
Innocuus facie coram consistere CHristi:
Vnde Deus sibi sic ablutum crimine ab omni
Adserit (adseruit lotum ceu Iordanis vndis
Voce DEus, natum Mariæ, pater: idque sub ipso
Cardine diducti cœli testante sonora:
Et niueæ sancto specie præsente Columbæ
Flamine) adoptatum sacro modò fonte renatum.
Ipsa fides teneri latitans pectusculi in imo
Haurit promissam Flamma mediante sacrati
Flaminis amissam N genuina sorde salutem
Hinc modò perpetuum pactum stabilitur vtrinque
Inter et ablutum genuina labe puellum,
Atque DEum, CHristi placatum sanguine sacro
Flumine, qui pueri signatur corpore fuso;
Testibus adiunctis sexus vtriusque, vocatis:
Compita testantur communia gaudia passim:
Fercula ponuntur, miscentur dona Lyæj:
Gratantur Regi puerum patremque puello:
Mittuntur puero et Matri regalia dona,
| N Omnia qui cœlos regit hæc accepta ferendo
Commoda, Daniaco quæ contulit ardua Regno.
(D.) Vnde rei tantæ tibi tanta scientia Sylui
Rustico, et è N caulis pecudes modò ducere docto?
(S.) Hoc tibi an est adeo, mihi dic, mirabile Daphni?
Sæpe etiam est holitor valde opportuna locutus.
(D) Euohe Daniaco Regno modò gratulor amplo
FRIdrici et SOphiæ Natum, Christique renatum:
Grator et exangui pecudi modò pinguia prata:
N Viuat Io rex viuat Io rex viuat Iolas:
Viuat ab excelsis benedicta Puerpera prole:
Viuat in æternum Natusque renatus Iolæ.
DANiaci Regni nitidos, humus humida, flores
N Sterne, rosas, violas, colocasia, lilia: Lætæ
Floribus omnigenis cunas decorate Camœnæ:
Spargite humum blandæ N Charites redolentibus herbis:
Ferte solo Cythisum, fragrantibus atria sertis
Virtutes simulac thalamos ornate decoræ
REGulus N in quibus hic teneræ vestigia plantæ
Fixerit, N autori CHristo, Regique parenti:
Candida purpureo de CHristi ECCLEsia facta
Sanguine, N frondoso tu nunc caput exere serto,
Cinge tuam frontem N Roris cita flore marini,
Sparge Thymum, N caltham, N libanotin, N amaracon, irin,
Errantes hederas, viridi cum gramine mentam,
Crescentem et digitis Amaranthum sæpe resectum,
| N Achantum:
Conueniunt herbæ tibi (palmæ vt germina) nam tu
Quo mage deprimeris caput hoc magis exeris altè,
Regulus arridens tibi Christi numine natus
N Secula promittit vultu Saturnia miti.
N BVCEphale arctoo modò non trux porge Leoni
N Annulum ab Indiaco viridantis germine gemmæ.
Ob modò donatum viuacis pignus amoris
Connubij vestri durabile fœdus amici.
Cœruleis N LEO trine N iubis modò iubila plausu
Ede, tuæ GRYphi felix sociate maritæ:
Plaude N bipennifero Regnum Boreale LEOne:
Atque sali N roseis folijs LEO læte nouenis:
Aliger N hesperij custos DRAco peruigil horti
Poma negans, vetitum vetita nec ab arbore malum
Decerpens, alas plausu nunc pande gemellas:
Vosque poli arctoi sub sidere cæteræ in orbe
Insulæ, ab vndoso boreali N marmore cinctæ,
ORCades, et FEroës, N GLAcialis et insula lata:
TERra Virens viridi de germine, florida fronde:
Tuque Heneta, aut mauis HETelandia voce N Getharum:
Et nivei diues pecoris GOTHolandia pulchra:
Cœtera DAniacæ subiectaque Regna Coronæ
N (Continet vt cuius distantia Teuthona quina
Millia, quîs addas dictis quater ordine dena)
Mitia lætisona felicia tempora voce
|
N RVTA venenosi medicamen morsibusA
ictus
Pestilis N Ausonijs quos Vipera fecit in aruis
Flore SmaragdinoA nunc flore, Baltica florent
Regna, tuæ folijs viridantibus aucta corollæ.
N Cœrulei iunctim gemini gaudete LEOnes:
Plaude tibi VRticæ Folium candente figura:
N Vrticæ folijs vescens cane N candide CYGNE:
N Ensifer exulta Cataphracte EQVes impiger armis:
N Candida diuino CRVX pondera germine gestans:
N Discolor alterna TRAbis et vice forma quaternæ,
N Palmiferæ flore nunc arboris instar vterque
Singuli in occursum Regis properate decenter
Paciferum vobis Natum Christoque renatum
Expansis manibus, deuoto pectore, flexo
Poplite, suscipite hunc donatum numine Regem.
Vita sit vt cuius defensa precamini ab hoste:
Tutus et Angelico semper munimine viuat.
Nunc lachrimas mitto, nunc finem impono dolori,
Nunc ego non Daphnis possum mihi displicuisse,
Commoda cum patriæ referas mihi talia Sylui
Pace data, niueæ iunctam modò Pallada Paci:
CHRistiadem Regno patrio, hisce parentibus ortum.
O felix Puero tali pater inclyte Iola:
O felix Puer et tali patre paruule Pacis:
Ter felix mater Sapientia pondere tali:
|
Pax pater, et Pallas mater, quid gignere possent
CHristiadem nisi de Christi sibi numine natum?
Salue Infans, Genitor lætare, Puerpera gaude.
Quale euangelion propter tam nuncia læta
Dic tibi mi Sylui, nostra pro sorte, rependam?
Hanc ego melliti plenam, ne sperne, saporis
Do, gratæ mentis signum, tibi lacte lagenam
(S.) Lechitus hic tibi sit tuus, et N lac inane bibas tu
Daphni, puerperium nostri peto Regis Iolæ
Lætus in hanc mediam bibiturus N nectara noctem:
Illius hoc fretus quo me dignatur amore,
Vtpote qui nostram, quamuis sit rustica, Musam
Diligit, vt cui sunt pastoria carmina curæ,
Carmine viuaci cuius quoque viuida virtus
Digna, velut dignus rex dici Iolaus Iolas.
(D.) Ecce tibi fuero comes, et tam comis Iolæ
Hospes ero, quamuis hominum me nemo vocârit.
FINIS.
