Sed quoniam iuxta Veritatis dictum ciuitas in excelso sita nequit abscondi, et lucernę lumen magis in edito proferri quam in abscondito debeat occultari, fama uirtutum et constantię ac prudentię nobilissimi principis latius diffunditur, et tam apud Scottos et Orcadas Irosque, qui ultimos fere occidentis fines incolunt, quam et apud Anglos et Gallos Saxonesque celeberrimus habebatur. Italicis uero terminis incognitus non erat; sed et ipsis Francigenis, qui et Romani dicuntur, admodum bellicocis non tam admirandus quam et metuendus insonabat.