Sed quia, quos ueritatis inimicus et pietatis hostis perturbatione inquietudinis repleuerat, spiritus diuinus aufugerat, et super inquietos ac tumidos idem dei spiritus requiescere non poterat, ut Iudei quondam Stephanum se redarguentem non ferentes duris dissecabantur cordibus et in eum stridebant dentibus, sic sanis reuerendi antistitis consiliis infrementes insanis clamoribus insonant et iam iamque in reuerendum pontificem irruere impetu facto festinant: hastis sabula litorea spargunt, ethera uocibus impetunt et, ne uera peroranti ac utilia persuadenti uulgus adquiescat, incommodis quibusque propositis dissuadendo insistunt.