CAP. VII.
DE MINISTERII RESIGNATIONE.

Illam etiàm non prætermisit Antiquitas formam instituere, quâ & Principis majestas illibata, & militis non esset honor imminutus, si ad alte|rius se quis transferret hominium. Statuit ergò, in Circumcisionis Vigiliâ quæ novum annum inchoat, experti militis, Domini novitatem affectantis, duos commilitones ad Dominum, cujus se dominio exuere cupit, ablegandos esse; qui & ei hominium cum servitio illius resignent. Et sic absque contumeliæ verecundiâ, Dominique offensâ, poterat unusquisque ad alterius hominium liberè convolare.