Ad Limicum littus Brande sit ubi sinus agri
Antistes Joannes fero me genitum.
Qvem felix Agrippa simul Mavortia Roma
Artes ac leges me docuere bonas.
Sextus Alexander sacra dans, Joanne precante
Rege bono, cujus tunc ego Consul eram.
Preclari Christiernus Rex Joannis alumnus
Insontem longo carcere meqve domat.
Inclita donec ubi felici marte Lübeca
Arcis Buringe menia tollit humo.
Hinc ereptum me Rex extorremqve reponit
Fredricus, rectus omnibus atqve pius,
Christierno superis contemptis exule regno,
At mihi propitiis ad mea vota ruunt.
Sed qveror mea me iam qvorum sangvine dispar
Sum, multis odiis cedere fata jubent.
Hic tandem iactus videor Presul Othonianus,
Qvi qvondam fuerim vermibus esca modo.
Post hinc ad superos videris me solvere lector,
Scriptis ad calcem tu necis adde diem.
