by Brahe, T. (1573) Udgiver: J.L.E. Dreyer (1927) Tekst og udgave

|AD MARTINUM BRASCHIUM.

Post carmen Martini Braschii ad Tychonem datum.

Cum hoc carmen per Studiosum quendam mihi notum Poëta ille misisset, et ego per eundem rescribi jussissem, chartulæ. cui aureos nummos gratitudinis ergo involvebam, eisdem literis impositæ, sequens Epigramma mea manu subscripsi.

HÆC Aganippeâ pro venâ munera venæ

Auriferæ, Braschi, consule missa boni.

Quando talenta potens Auri lapis ille Sophorum,

Quem spondes, dederit plurima, plura feres.