VNSERN gnedigen Gruß zuvor/ Vester lieber Besonder. Wir haben ewer Schreiben de dato Vraniburg, den 20. Februarij, an vns gethan/ empfangen/ gelesen/ vnd darauß nach der lenge was jr an vns begeret verstanden. Daß wir nu für einen solchen hohen vnd fürtreffligen Poëten gerümbt/ vnd euch vnsere Poëtica so hoch commendiret worden/ daran geschicht vns zwar zu viel/ dan wir wissen solche statliche Commendation,vnd wie jr vns auch zutrawet/ im a Werck nicht zu erweisen/ Ohn ist es aber nicht/ daß wir vns in vnsern angehenden Studijs in Poësi etwas exerciret, doch aber solch Exercitium durch andere vns mehr angelegene Sachen/ numehr eine geraume zeit nicht gebrauchet.

Nichts desto weniger aber haben wir ewerm gesinnen nach ein Carmen commendatorium, so gut wir es machen können/ vor ewere Opera Astrono|mica, so jr in Druck außgehen lassen wollet/ verfertiget/ vnd dasselbige auff die Seite vor dem Diplomate Cæsareo, da jr es hin begeret/ mit eigen Handen geschrieben. Da euch nu vnser Carmen commendatorium annemlich sein würde/ geschehe vns daran ein gnediges gefallen.

Wolten wir euch hinwider gnediglich nicht verhalten/ Vnd seyndt euch mit gnedigem willen wolgeneigt.

||MAVRITIVS HASSIÆ LANDTGRAVIVS AD TYCHONEM BRAHE, NOBILEM ET CLARISSIMVM VIRVM.

|MAVRITIVS HASSIÆ LANDTGRAVIVS AD TYCHONEM BRAHE, NOBILEM ET CLARISSIMVM VIRVM.