|.....SCALIGER observationes utrasque (quæ munificentiæ tuæ sunt) vernalem aio et autumnalem, suis inseruit, et videbis propediem. De secessu vero in Germaniam itidem intellexerat, et dolere se fatetur, si eiusmodi rerum conturbaretur commoditas, quarum iam fructus redundaret ad Europam universam. Placet quidem ei Germania; sed nescit, an mores undiquaque gentis ad illam facilitatem humanitatemque apti, quæ debebatur, apti tibi. Optaret, si Dania omnino deserendi staret animus, Bataviam potius inviseres, amicam studijs, benignam....; et denique te tuasque virtutes et honorabit, et fere dixerat, adorabit. Esset certe in omnem eventum hæc ora propinquior Daniæ, et ille hîc Ordinum sensus, ut omnes gratias non modo retinendas, verum etiam acquirendas sciant.