|JCH Tycho Brahe, erbgesessenn zu Knudtstrup im reiche Dennemarckenn vnnd kön: maytt: alda ambtman auf Vraniburgk, vrkunde vnd bekenne hiemit inn crafft dieses, daß jch vonn dem ehrnuesten vnnd achtbarnn Andreaß Meyernn, furstlichenn meckelburgischenn junger herrschafft verordenten rentmeister, zwey hundert reichsthaller zinße, so erst auf schieristkommendenn monnat aprilis dieses neun vnndt neuntzigstenn jahrs betaget sein wurden, heut dato auff rechnung entpfangenn habe. Thue derowegenn gedachtenn herrnn rentmeister solcher woll entpfangenenn zwey hundert thaller, alß werenn dieselbigenn aus obberurtenn termin erleget vnnd betzalet gentzlichenn wie es zu rechte am krefftigstenn vnnd bestendigstenn geschehenn solle, quitirenn vnnd loßsagenn. Zu mehrer vrkundt hab jch diese quitanz mit eig[enen handt] vnterschriben vnnd mein angeborn pitzschafft hierauff gedruckt.