ILLUSTRISSIME ET GENEROSISSIME DOMINE.

SIQUIDEM ab Ill^ma Dominatione Vestra, cum nuper apud ipsam Pragæ essem, intellexerim negotium de mittendo ad Serm^um Magnum Ducem Hetruriæ etc. filio meo, in hoc tantummodo consistere, an is catholicam Romanam Religionem amplectetur, nec ne; neque enim Ser^mam eius Celsitud^nem libenter quempiam in sua Aula | habere, qui a dicta Religione alienus sit. Ad hoc equidem, quod respondeam nihil aliud habeoA, quam me de eo polliceri posse: Si Ser^mus Magnus Dux eum in suam Aulam recipere dignatus fuerit, quod se ita gesturusA sit, ut neminem offendat, aut scandalizet, sive quoad religionem sive alijs in rebus, quemadmodum Nobilem Iuvenem FRANCISCUM TENGNAGLIUM, qui aliquot annis in mea familia fuit, se ita, dum Ser^mæ Celsitⁿⁱ eius inserviret, exhibuisse confido, ut nemo isthic habeat, in quo iure de eo conqueri possit. Quod et |pariter præstitit, dum in Ill^mi et R^mi Cardinalis a DIETRICHSTEIN Aula aliquantisper moratus est. Si vero Ser^mæ ipsius Celsitⁿⁱ hæc de religione quæstio aliquid nihilominus scrupuli moverit, posset filius meus unâ cum altero, quem illi adiuncturus sum, studioso, in ipsius Ser^mæ Celsit^nis Academia, quæ Senis est, inter reliquos Germanos aliquantisper degere, ut studiosum illum nonnunquam in observationibus Astronomicis, iuxta meum præscriptum, isthic peragendis adiuvet; oportet enim ad minimum duos esse, interdum etiam tres, qui eo instrumento utantur, quod ego illis traditurus sum. Confectis autem isthic observationibus præcipuis, navigabit studiosus ille in Ægyptum, et facile ibi alios inveniet, qui instructi in pluribus obtinendis ibi præsto sint; quod propositum ipsius Ser^nam Cel^nem, quemadmodum clementissime promisit, benignissime promoturam mihi persuadeo. Interim filius manebit isthic in Italia, donec linguam calluerit, quod intra annui temporis spacium fieri posse existimo, ut tunc reversus Sac. Cæs^æ Maiestati Domino meo clementiss^mo in ipsius Maiestatis Aula aliquandiu humillime serviat.

Hæc ad Ill^am Dominat^em referenda habui, et qua possum reverentia Ill^am Dominationem Vestram rogatam habeo, ut a Ser^mo suo Principe resolutionem certam, quid hac in re sperare possim, vel secus, tempestive mihi impetrare non |degravetur; ego vicissim omnia mea officiola ipsius Ser^mæ Celsitⁿⁱ et Vestræ quoque Ill^mæ Dominationi submisse defero.