15860818001

1586. 18. august Uraniborg

Tycho Brahe til Peter Young

A Oxford, Bodleian Library, Smith 77.

Tychonis Brahe Dani Opera Omnia, ed. I.L.E. Dreyer, Tom. VII, Hauniæ 1924, p. 110

PETRO IUNIO TYCHO BRAHE.

EX quo Magnificentia tua, nuper mihi Helsingoræ præsenti, se ante reditum in patriam me in hac tenella insula certo certius invisuram, promittere non gravabatur, cumque omne promissum (veluti communiter fertur) in debitum abeat, idcirco non saltem obnixe petere, sed confidentius etiam exorare non dubito, ut T. M. me crastina luce (quam ipsa etiam commodam auram allaturam non obscure clara pollicentur astra) in hisce Uraniæ dicatis ædibus invisere dedignari nolit; erit sane T. M. non saltem Serenissimi et potentissimi Regis sui nomine, sed etiam proprio, cum Musis sit addictissima, Uraniæ Musarum sorori non postremæ longe acceptissima, cuius etiam præsentiam tum ERICUS LANGIUS, tum etiam FALCHO GOIE, viri nobiles et T. M. studiosissimi ambo, mecum sic avide præstolantur. Da itaque operam, ut votis nostris exoptatus respondeat eventus. Vale. Datæ Uraniburgi 18 Augusti 1586.

Tuæ Magnificentiæ studiosissimus
TYCHO BRAHE.