15880523001

1588. 23. maj. Rostock

Johannes Caselius til Tycho Brahe

Ioannes Caselius, Epistolae ad viros nobiles vol. 2, Helmstedt 1623Tychonis Brahe Dani Opera Omnia, ed. I.L.E. Dreyer, Tom. VII, Hauniæ 1924, p. 121

TYCHONI BRAHE.

IAM optimo Regi vestro laudationem pango, cuius exemplum IUNIO ad te mittam: qua re cum sim occupatus, neque diligenter scribo, neque uberius. Gratificor autem huic familiari meo HAKEN, Equiti Marchico, iuveni probo, nec abhorrenti a litteris, quarum gratia apud nos vivit. Omnino voluit te videre: facies gratum, si facies ut intelligat, te mihi peramicum; nam et alioqui te humanissimum virum sentiet.

Vale.

Rostochio X. Kalend. Iun. Anno 1588.