15901005001

1590. 5. oktober. Uraniborg

Tycho Brahe til Anders Sørensen Vedel

A København, Rigsarkivet, Tycho Brahes privatarkiv. Afskrift

Tychonis Brahe Dani Opera Omnia, ed. I.L.E. Dreyer, Tom. VII, Hauniæ 1924, p. 275-276

TYCHO BRAHE AD ANDREAM SEVERINI VELLEJUM. S.

MIROR [te] dilecte M. ANDREA, in tanto tempore mihi nihil scribere: existimo vos Lillebergenses de Lillehuenensibus nihil amplius cogitare, ac si essent remoti extra Solis cœlique vias; fac ut per hunc ministrum meum cognoscam quid rerum agas et quomodo cum tuis vivas et valeas. Typographia mea iam feriatur ob papyri impressoriæ defectum. Misi hisce diebus Typographum meum in Germaniam pro conquirendo papyro et conducendo idoneo Cartopæo, nam moletrina mea, papyro conficiendæ destinata, iam parata est. Si tibi de tali artifice alicubi quicquam constiterit, da operam ut eum mature habeam, et tuos etiam labores urge, nec nimium procrastina.

Vale. Saluta uxorem unâ cum Parentibus et liberis.

Datæ Uraniburgi 5. Octob. 1590.

Tuus TYCHO BRAHE.