15921228001

1592. 28. december n.s. Bologna

Ukendt medicinsk doktor til Ukendt dansk studerende

Tychonis Brahe Astronomiæ instauratæ mechanica, Wandesburgi 1598Tychonis Brahe Astronomiæ instauratæ progymnasmata, Norimbergæ 1602Tychonis Brahe Dani Opera Omnia, ed. I.L.E. Dreyer, Tom. V, Hauniæ 1923, p. 130

... MAGINVS per totam ferme æstatem hîc PATAVII et VENETIIS moratus est. Quâ de caussâ, non satis constat.

Interea GALLILÆVS de GALLILÆIS FLORENTINVS Professionem Mathematicam hîc adeptus est, qui suarum lectionum septimo Decembris initium fecit. Exordium erat splendidum in magnâ auditorum frequentiâ. A Dno. PINELLO is liberaliter commendatur, quem, si posset, perlibenter in Dni. TYCHONIS amicitiam insinuaret. Tu, qui animum TYCHONIS novisti, poteris, quod ex re erit, in hisce disponere. MAGINVS êdidit nuper librum, cui Titulum fecit [Tabula Tetragonica] sub TYCHONIS patrocinio. Exemplar mihi ad te mittendum dedit, quod primâ occasione transmittam. Retulit etiam, Illustrissimos VENETOS in consilio rogatorum deliberasse, ut aliquis Matheseως peritus stipendio 300. Coronatorum in ÆGYPTVM ablegaretur, qui pro TYCHONE isthic observaret. Tantæ enim hîc TYCHO certe est celebritatis, quantæ nemo eorum, qui nunc vivunt.

Datæ Patavii 28. Decembris Anni 1592.