15980524001

1598. 24. maj. Stettin

Daniel Cramer til Tycho Brahe

A København, Rigsarkivet, Langebeks diplomatarium. Afskrift

Tychonis Brahe Dani Opera Omnia, ed. I.L.E. Dreyer, Tom. VIII, Hauniæ 1925, p. 69

NOBILISSIMO VIRO DOMINO TYCHONI BRAHE OTTONIDI DANO, DOMINO IN KNUDSTRUP, ASTRONOMORUM HAC TEMPESTATE PRINCIPI ILLUSTRI, DOMINO ET AMICO SUO ΕΣ ΧΕΙΡΕ.
S.

MISI tibi, Nobilissime Domine Tycho, Domine et amice honorande, quod petivisti a me proxime, testimonium de plagio Liddeliano; id ut omnino spero, legisti, intellexisti. Nunc exspectas a me Propempticon ad tuam Uranien scriptum. Id ego promisi; en solvo. Sed nescio an moneta sat ponderosa. Iterum autem ex te meoque et honorando ROSENCRANTZIO exspecto responsum et in hanc et alias meas literas. Spes ne me confundat, uterque facietis. Hæc paucula habui. Te Domino commendo, et iam iam post dies octo ad promotionem meam Doctoralem Witebergæ σὺν θεῷ habendam eo. Tu felicissime vale cum OLIGERO. Stetini. Pridie Ascens. Domini Anno 98· T. M. Add.

Dan. Cramerus.