15980530001

1598. 30. maj n.s. Prag

Thaddaeus Hagecius til Tycho Brahe

A København, Rigsarkivet, Langebeks diplomatarium. Afskrift

Tychonis Brahe Dani Opera Omnia, ed. I.L.E. Dreyer, Tom. VIII, Hauniæ 1925, p. 68

THADDÆUS HAGECIUS AD TYCHONEM BRAHE.

NOBILISSIME Domine TYCHO et amice observande, scripsi tibi propemodum ante mensem integrum, et cum hucusque nihil rescripseris, nisi forte tardiusculæ ad te pervenerunt meæ, te ipsum exspectabam, exspectoque etiamnum. Dominus Procancellarius CORADUCIUS diebus hisce me allocutus est, et dixit te iam Cæsari de meliori nota commendasse, modo ipse venias, et te Cæsari præsentes; in hoc solo cardo rei vertitur.

Aliud, quod scribam, non habeo, nisi ut quamprimum ad nos advoles.

B. V.

Pragæ penult. Maij novo Stylo 1598.

T. THAD.