Henvisningen i regesten refererer sig til det brev til ærkebiskop Wibert af Ravenna, som indgår i Reg. Greg. VII lib. 1:3 f. 2 med overskrift fra 12. århundrede: Rauennati archiepiscopo (MG Ep. selectae II:1 5).

Brevet, hvor den afvigende slutning begynder med Rogo itaque uos, har følgende ordlyd:

Gregorius in Romanum pontificem electus Guiberto Rauennati archiepiscopo salutem in Christo Ihesu.

Non dubitamus famam litteras nostras anteuolasse. et tam uobis quam multis aliis domni nostri Alexandri papg obitum nuntiasse. Quod autem mihi ualde gemendum est mors eius super me cecidit. et omnia uiscera mea concutiens penitus conturbauit. Nam in morte eius primo quidem Romanus populus contra morem ita quieuit. et in manu nostra consilii frena dimisit. ut euidenter appareret ex Dei misericordia hoc prouenisse. Unde accepto consilio hoc statuimus. ut post triduanum ieiunium post letanias et multorum crationem elemosinis conditam diuino fulti auxilio statueremus. quod de electione Romani pontificis uideretur melius. Sed subito cum predictus domnus noster papa in ecclesia Saluatoris sepulturg traderetur. ortus est magnus tumultus populi et fremitus. et in me quasi uesani insurrexerunt. nil dicendi. nil consulendi facultatis aut spatii relinquentes. uiolentis manibus me in locum apostolici regiminis cui longe impar sum rapuerunt. Ita recte ego cum propheta possum dicere. Veni in altitudinem maris; et tempestas demersit me. Laboraui clamans raucę factę sunt fauces meę. Denique timor et tremor uenerunt super me; et contexerunt me tenebrę. Sed quia multis et magnis curis fatigatus satis dictare nequeo. miserias meas enumerare supersedeo.

Rogo itaque uos per omnipotentem Deum ut caritatem quam erga Romanam ecclesiam mazime hoc tempore. et ut meminisse debetis erga me specialiter uos gerere promisistis quoniam quidem tempus et rerum qualitas eius probari postulat. nunc quidem in me etsi non meis meritis saltim amore apostolorum ostendere curetis. et suffraganeos ac filios ecclesię uestre ad exorandum Deum pro me inuitetis ac commoneatis. quatenus ad ferendum onus quod mihi inuito et ualde reluctanti impositum est. uires tribuat. manum porrigat. ut si me tutum in portu stare noluit saltim in tam alta pericula proiectum non relinquat. Ego enim sicut in caritate non ficta uos diligo. ita eandem et quecunque eius officia sunt a uobis indubitanter exigo. Neque uero dilectioni uestrę dubitandum est. quin Romanam ecclesiam. et eam cui Deo auctore presidetis ea concordia et quantum cum communi utriusque honore poterimus omnimoda caritate copulare desideremus. ut in nostris etiam animis semper coniuncta paw et plena dilectio connectatur. Sicut igitur prudentiam uestram hortati sumus. ita etiam per elementa nostra nos uelle ac desiderare cognoscite. uidelicet ut frequenter inter nos legatis discurrentibus collętari et mutua consolatione gaudere possimus.

Data Rome. vi. kal. Maii. Indictione. xi.