Wy Hinrick van Gades gnaden f{ue}rste tho Stormarn / tho Hollstein und Schouwenborch grave und wy Hinrick / Alff und Gerd / van dersvlven gnaden hertogen tho SchleswickA / tho Hollstein / Stormarn und Schouwenborch greuen / bekennen apenbar in diesem breue allene / dat uns oder unsen erven de ersamen burgermeistere und rathmanne und burgere tho Hamborch van privilegien wegen / de unse oelderen und vorfaren {oe}hn gegeuen und besegelt hebben nenerley h{ue}lpe oder folge gepflichtig syn / tho unsen unnd unser landen n{oe}den / doch so hebben de ermeldten burgermeistere unnd raedmannen und b{oe}rgere fr{ue}ndtlicken angesehen / unser lande und l{ue}de anliegende kriege und schware noede / alse nu k{oe}ninck Erich van Dennemarck unse stede und schlote bestellet hefft / so dat de ermelten borgermeistere / raetmanne und borgere van freyen guden willen un ohnbedrungen uns an unsen n{oe}den und dessen yegemwartigen kriege fr{ue}ndlicken byst{ae}ndig und h{ue}lplick wesen willen / des hebben wy nach rade / vullbordt und metewetende unses tr{ue}wen rades / und de ergenandten borgermeister / raetmanne und borgere uns umme bystand und h{ue}lpe mit eendrechtigen wolberadenem mode / unter andern verdragen in dyser wyse / ♦

Wann de ergenanten burgermeister / raetmanne und burgere ehre warhafftigen h{ue}lpe tho diesem yegenwardigen kriege uthgemacket hebben / wat de unse danne samptlicken mit {oe}hn wunnen / an fangenen perden und aller reysziger haue / dat sch{oe}llen wy tho licke delen und buten na mantalle / neme wy ock waare edder vehe / det sch{oe}len wy allene beholden / doch sch{oe}llen wy sodanede vehe den geven / de van der van Hamborch wegen tho unser h{ue}lpe kamen / mede delen tho eren kosten . ♦

W{oe}nne wy ock samptlicken stede oder schlote / de sch{oe}len wy ock allene beholden / nene delinge edder b{ue}te davon tho doende / und up dat de vorben{oe}meden burgermeistere / raetmann und b{ue}rgere ehrer h{ue}lpe und woldat mit uns gen{oe}ten / alse se billicken sch{oe}len; hier{ue}mme weret dat jenich f{oe}rst / here / ridder / knape offte stede der genanten burgermeister / raetmanne und b{ue}rgere yegenwardich / offt / an thokomeden tyden viende wurden / umb sothaner h{ue}lpe und bystandes willen / als gy uns nu an unsem kriege doen so sch{oe}len wy und unse eruen sch{oe}llen und willen der ergenannten f{oe}rsten / heren / riddern / knapen und steden viende von stund an mede werden / und up unse egen kost und event{ue}er mit unseren riddern / knechten / landen und lyden by der vorbenannten b{ue}rgermeistern / raetmanne und burger h{ue}lpe tr{ue}welyckenA bliven / alle dewyle dat de fheide wart / ♦

Ock so sch{oe}len wy noch unse ervenA sch{oe}llen und willen / uns mit dem vorbenannten k{oe}nig Erich / offt andern f{oe}rsten / heren oder stede om des ergenannten k{oe}niges h{ue}lpe syn / offte noch syne h{ue}lpere werden neneley wiise s{oe}nen edder freden / wy hebben de vorben{oe}meten b{ue}rgermeistere / raetmanne und b{ue}rgere an der s{oe}ne unde frede mede begrepen / und wohl besorget ♦

Gefellet ock / dat de vorben{oe}meten b{ue}rgermeistere / raetmanne und b{ue}rgere umme anderer jenniger sacke willen jenich f{ue}rste / here / riedder / knape edder stede scheiden wolden so sch{oe}llen wy und unse erven sch{oe}len und willen ehn mit unsen riddern / knechten / landen und lyden byst{ae}ndig und beh{ue}lpen wesen / under unse kosten und egenen eventhuer / war wy ehres rechtens m{ae}chtig syn / wan se uns effte unsen eruen dartho eschen ♦

Und weret / dat wy effte unse erven umb der ergenannten b{ue}rgermeister / raetmanne und b{ue}rgere willen / jemandes viende wurden / alse vorgeschreuen ys / so en schollen sich des{ue}lven b{ue}rgermeister / raetmanne und burger mit den f{oe}rsten / heren / riddern / knapen offte steden nicht freden edder sonen / se en hebben uns edder unse erven an dem frede unde sone mede besorget / unde umb d{ue}sser fr{ue}ndlicker woldat undA h{ue}lpe willen / de de vorben{oe}meten burgermeister / raetmanne und burgere tho Hamborch uns nu an unsen n{oe}den doen / sch{oe}len der stadt Hamborch / privilegia de unsere olderen und vorfahren offte wy gegeven und besegelt hebben / nergend mede gebrocken / gekrencket / miszbrucket / offt gemendert wesen menA allerley privilegia ehn van unsen olderen und vorfahren und uns gegeven sch{oe}len an vuller krafft und macht bliven / als die van anbegine waren / ♦

Ock so ehn sch{oe}len wy edder unse erven / en sch{oe}len nach willen / als wy ock nicht m{oe}gen de ergenannten burgermeister / raetmanne unde burgere in tho kommenden tyden tho jeniger unser lande h{ue}lpe eschen edder drengen / ydt en w{ae}re dat se by fryem willen und umb fr{ue}ndschob willen / uns offte unsen eruen an unsen n{oe}den wormede helpen wolden / ♦

Alle und etzliche vorgeschreuen st{ue}cke lauenA wy graue Hinrick / hertig Hinrick / hertig Aleff und hertig Gerd vorben{oe}met / den ergenanten burgermeistern / raetmannen und burgern tho Hamborch / stede fast und unverbracken tho haldende / sonder jenigerley wedderspracke arg edder list / an guden truwen / ♦

Tho mehrer t{ue}chnisse d{ue}sser vorgeschreuenen st{ue}cke hebben wy graue Hinrick vor uns und unse eruen / und wy hertoch Hinrick vor der ergenannten hertoch Aleff und hertogen Gerde vnse brodere vorben{oe}met / und unse eruen unse jnsegel witlicken / und mit guten willen vor dessen breff gehangen hetenA / gegeuen und geschreuen in unser stadt Hamborch nach Gades bord verteinhundert jahr / darna an dem s{oe}enteinden jar des dinstages vor sunte Jacobs dage des hilligen apostels . ♦

Tho mehrer witlichkeit hebbenA hieran und auer gewesen de ersamen here Herman Buren tho L{ue}beck / Schwerin und tho Hamborch domherr / here Marqvart Flotouwen tho Schleszwick domherr / meister Herrman van Hamme / und here Marqvart Woren tho Hamborch vicarius unse cantzler / Hinrick Brochdorp / here Hinrickes sone knape vaget tho Segeborch / Johannes van Drage tho Jtzhoe und Marquart Hatten tho Segeborch b{ue}rgermeister unse leuen getruwen ♦