Meister to Lyfflande.

Unsen fruntlichen grut mit ganzer gunst altiid tovorn.

Erwirdigen, vorsichtigen leven frunde und leven getruwen!

Als gi uns scriven van Frederich Wrangele und innehold sines breves etcetera, hebbe wi wol vornomen und leffliken van ju entfangen.

So hebbe wi em dar up sulven ein antworde gescreven, ludende von worden to worden, als hir na gescreven steit:

Meister Dutsches ordins to Lyfflande ....

Frederich!

Als du unser stad to Revale, unsen leven undersaten und getruwen, gescreven hevest, dat du de erbarn hovetlude unses gnedigen heren, koninges to Denemarken, rittern und knechten, gebeden haddest, vor di to scrivende an uns etcetera, so hebbe wi derer breve alsamen leffliken untfangen und wol vornomen, und en weder dar up gescreven.

[.....]

Gegeven to Rige, am hilgen Pingstage, anno etcetera XXI^mo.

Erwirdigen besundern leven frunde und getruwen!

Ud dessem sinne moge gi ok Frederich Wrangell ein antworde scriven, und wi bidden ju, dat gi desse II bigehundenen breve mit den irsten schippen tom Stockholme an Frederike und Hans Parenbeke schicken, dar ane bewise gi uns guden willen.

Gegeven to Rige, am hilgen Pingstage, anno etcetera XXI^mo.