Wir Sigmund von Gotes gnaden römischer kunig czu allentzeiten merer des reichs vnd zu Vngern zu Behem Dalmacien Croacien etcetera kunig . thun kunt offembar mit disem brief . allen den die jn sehen oder hören lesen . oder die dise dinge antreffen . daz wir zu l{ue}ttern die warheit vnd zu verkomen czwifele / da durich gestilte kriege . sich mochten von newes erczunden . oder do vsz kleinern czweytrachten grossere miszhelung möchtenA erwecket werden / dorumb mit rechter wiszen bekennen wir gegenwerticleich . daz sich von dem wülkurtem orteyl / daz wir nechst czwischen dem durchluchtigisten fursten herrn Eriken zu Denmark Sweden Norwey der Gotten vndA Wenden kunig . vnd herczogen in Pomern . vnd sinen folmüchtige procuratores . an einem . vnd den hochgebornen Henrichen Adolpfen vnd Gerharden gebrudern von Holstein greuen / oder jren redlichen procuratores . am andern teile . in disem jare / des achtvndczweinczigsten tages des mondes junij . nach furgebung vnd furlegung beyder teyle gesprochen haben . nach der warheit . die wir nach Got vnd der warheit erkant haben . jn der sache das herczogtum czu Sleszwick antreffend die die czeit vor vns hieng . vnd die wir mit vnsern reten fursten . herren . lerern geistlicher vnd keyserlicher rechte vor dem orteil eigentlich / nach beider teyl furgebung / rede vnd antwort in schrifft fur vns genomen geweget vnd betracht haben . vnd als das orteyl gesprochen vnd pronuncciert was offenbar . das sich von demselben orteyl nyemand von keynem teyl da berufft oder appellirt hat in dheynweys . ♦

Es ward auch von nyemands gebeten / als das in dem processe der sich vor vns verhandelt hat . vnd in vnserm houe clerlicher mag gewiset werden . ♦

Mit vrkund disz briefes versigelt mit vnserm kuniglichen anhangendem jnsigel . ♦

Geben zu Ofen nach . Cristi geburt vierczehenhundert jar vnd dornach in dem viervndczweinczigisten jare . an Sant Nicolai abend . vnserr riche des vngrischen etcetera in dem achtvnddreissigisten . des romischen in dem funfczehenden vnd des behemischen in dem funften jare ♦