Wetted jrluchtede hocheborn ffurste her Erik der rike Denemarken Sweden Norweghen . der Wende vnde der Gotten koningh vnde hertoghe to Pomeren dat wy borghermestere rad vnde borghere ghemeynliken vnde jnwonere der stad Helmstede myd vnsen hulpern . willen juwe juwer rike vnde juwer rike vndersaten unde inwonere . wu men de benomen mach . ffygende wesen / vmme der ersammen heren vnde vnser ffrunde der rede vnde borghere . der stede willen . Lubeke Hamborch Rostik Stralessunde Luneborch vnde Wismar etcetera vnde dar vmme dat gi den copman der d{ue}tschen hense dar wy mede tohoren swarliken beschedigen vnde ver vnrechtiget hebben vnde de juwe beschedigen vnde vor vnrechtighen laten jn juwen riken vnde beden . tijghen priuilegia vnde wonheyden de van juwen vorvaren ghegeuen vnde beseggeld vnde van gik suluen bestediget syn \ ♦

Vnde wy willen desz alle vnde vnser eyn jowelk bysunderen myd vnsen hulperen / vnse ere an gik vnde den juwen to guden tijden wol verwaretA hebben ♦

Des to bekantnisse is vnser stad secret ghedrucket op dussen breff ♦

Ghegeuen na der bord Cristi vertheynhundert jar darna in demA seuenvndetwintigesten jare des mydwekens na oculi mei jn der vasten ♦