Wetet jrluchtegede hochgeborene vorste her Eryk der ryke Dennemarken Sweden NorwegenA derA Wenden vnd Ghothen koningh vnd hertoghe to Pomeren dat wij borgermestere rad vnd borgere gemenliken vnd jnwoneren der stadA Buxtehude mit vnsen hulperen willen iuwe juwen ryken vnd iuwer ryke vndersaten vnd jnwoneren wo men de benomen mach vyende wesen vmme der ersamen heren vnd vnser vrunde der redeA vnde borghere der stede willen Lubeke Hamborch Luneborch Rostek Wysmar vnd Stralessund etcetera vnd dar vmme dat gi den copman der dudeschen hense dar wij mede toA horen swarliken beschediget vnd vor vnrechtiget hebben beschedegen vnd vor vnrechten vnd de juwenA beschedigen vnd vorvnrechten laten in juwen ryken vnd beden teghen priuilegia vnd wonheyde de van juwen vorvaren gheuen vnd bezeghelt vnd van iu suluen gestediget sin ♦

Vnd wij willen des alle vnd vnser eyn jewelk besundern myt vnsen hulperen vnse ere an iw vnd den juwen to goden tyden wol vorward hebben ♦

Screuen na Godes bord verteynhundert iar dar na indem souenvndetwintighesten jare des sondaghes naA mydvasten alzo men singhet letare vnd hebben des to ener warheyt vnse jnghezeghel gedrucketA neghest der schrift jndessen bref ♦