Omnibus presens scriptum cernentibus vel audientibus Visthy Thordonis advocatus placiti Nørherrit i Morssø Johannes Frost Magnus Magni Petrus Magni armigeri Ysaac Jone Laurentius Brwnøffwe Esbern Snefogell proconsules opidi Nykøbing Cristiernus Hordt Nicolaus Menikini necnon Jacobus Tuonis burgenses ibidem salutem in domino sempiternam ♦

Noverint universi presentes et futuri quod sub anno domini millesimo quadringentesimo tricesimo tercio proximo die placitali in placito Nørherrit post festum sancti Andree apostoli coram nobis et aliis quam pluribus fidedignis vir religiosus et discretus dominus Laurentius Johannis previsor domus ordinis sancti Johannis Iherosolimitani Duholm personaliter [constitu]tus plenum placitale testimonium videlicet octo virorum [.....]A Laurencii Johannis Bundonis Se[.....]A Johannis Thome Yvari[.....]nt integraliter et produxit qui quidem viri in verbo veritatis testabantur quod ecclesia sancti Clementis Nicopie ex provincia Nørherrit videlicet villis Venner et Vettels edificata est et primitus fundata ac prior necnon fratres domus ordinis sancti Johannis Iherosolomitani Duholm in vera possessione circa quinquaginta annos sine impeticione ac reclamacione omnium quorumcumque libere habuerant et nusquam rex vel regina aliam presentacionem vel donacionem fecerant in hunc diem ecclesia de eadem ♦

Sicut vidimus et audivimus sic testimonium perhibemus nostris sub sigillis ♦

Datum et scriptum anno die et loco supradictis ♦