Olauo electo Roskildensi. Apostolatus officium [etc.]. Dudum siquidem, Johanne episcopo Roskildensi regimini Roskildensis ecclesie presidente, nos provisionem ipsius ecclesie dispositioni nostre duximus specialiter reservandam. Postmodum vero, prefata ecclesia per obitum dicti Johannis episcopi pastoris solatio destituta, capitulum prefate ecclesie Roskildensis, reservationis predicte forsan ignari, te prepositum prefate ecclesie in eorum et dicte ecclesie episcopum concorditer elegerunt, tuque, reservationis predicte forsan ignarus, electioni huiusmodi illius tibi presentato decreto consensisti, et deinde, reservatione predicta ad tuam notitiam deducta, electionis huiusmodi negotium proponi fecisti in consistorio coram nobis. Nos igitur, electionem huiusmodi et quecunque inde secuta utpote contra reservationem predictam de facto attemptata irrita, prout erant, et inania reputantes, .... ad te, de nobili genere procreatum, in sacerdotio constitutum, direximus oculos nostre mentis [ac] de persona tua prefate ecclesie providemus. Datum Rome id. jan. anno 2.

Simili modo Capitulo ecclesie Roskildensis.

Clero civitatis et diocesis Roskildensis.

Populo — — —

Universis vassallis ecclesie —

Archiepiscopo Lundensi.

Cristiano regi Dacie.