Johanni Yvari archidiacono ecclesie Arusiensis magistro in artibus. Nobilitas generis, litterarum scientia, vite ac morum honestas (etc.). Hinc est, quod nos volentes te, qui, ut asseris, ex utroque parente de militari genere procreatus existis necnon archidiaconatum, qui curatus, electivus et dignitas maior post pontificalem est Arusiensis, ac Lundensis, Ripensis et Vibergensis canonicatus et prebendas [omnium fructus 20 mr. arg.] obtines, cuique pridem de primovacaturis canonicatu et prebenda ac dignitate, etiam curata ac electiva, non tamen maiori post pontificalem, Roskildensis ecclesiarum per alias nostras litteras (no. 1928] sub certis modo el forma motu proprio provideri mandavimus, .. favore prosequi gratioso, tecum, ut cum archidiaconatu predicto, etiam si illum in quemvis eventum dimittere tenereris, dignitatem huiusmodi, si aliarum litterarum predictarum vigore, seu quodcunque aliud, etiam si parrochialis ecclesia fuerit, vel etiam sine illis quecunque duo beneficia ecclesiastica curata seu alias incompatibilia ... si alias tibi canonice conferatur seu conferantur, recipere et, quoad vixeris, insimul retinere illaque et quevis alia per te pro tempore obtenta incompatibilia, simul vel successive, simpliciter vel ex causa permutationis, totiens, quotiens tibi placuerit, dimittere et loco dimissi vel dimissorum aliud vel alia simile vel dissimile aut similia vel dissimilia beneficium seu beneficia ecclesiasticum vel ecclesiastica incompatibile seu incompatibilia duo tantum, dummodo due parrochiales ecclesie vel earum perpetue vicarie insimul non fuerint, similiter recipere et, quoad vixeris, insimul retinere libere et licite valeas generalis concilii et quibuscumque aliis apostolicis constitutionibus necnon Arusiensis et Roskildensis predictarum ac alterius seu aliarum, in qua seu quibus aliud seu alia incompatibile seu incompatibilia beneficium seu beneficia huiusmodi fuerint, juramento, confirmatione apostolica vel quavis firmitate alia roboratis statutis et consuetudinibus ceterisque contrariis nequaquam obstantibus, auctoritate apostolica tenore presentium ..., dispensamus .... Datum Rome 8. kal, maji anno 3.